Ɛsdras 7:25 - BII BILA

²⁵ Nɔm Ɛsdras yɛ, mɛɛ kɔlkalu Hala nɔmndo co yɛ, kɔlkalu co nɔm o ba-o pɛɛn, hɛli vanaa kialaa n'yamaa a vanaa toosiaa n'sɔɔa, haliko mi kan va le yaman kiolɔɔ o tàndá co o peo Efrate leeloo a ba paalen le del-lo-o kpede nin, vanaa sina tɔŋnda Hala lan-nda pɛɛn. Le vanaa sina vɔ tɔŋnda lan te-a yɛ, a bɛnda ma pɛɛku nda lan.

Ɛsdras 7:25 Referans Kwoze

Ɛsdras 7:10

A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

Marke 6:34

Yeesu fulaa dɔ́ɔ́ o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, kani maa saa nɔ vana mandaa le-a nda va ni, o kon mó can nda pɛɛkoo o sɔɔn taw coo.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Nehemi 9:3

Mí nda kpow a lo isisi o fondala ndalan, má va nilan yaŋɔɔ o sɛbɛ tɔŋ Mɛlɛka ndaa, háá lɛɛlɛlan tan yáá. Má mulin vɛlɛ, má tosa lɛɛlɛlan tan yáá, a va vula baŋaa Mɛlɛka Hala ndaa o labɛngunin, le ndu ɲɔɔloo haliko mo mal nda haki.

Ɛsdras 7:14

Ya masaa a vanaa nia silaa ŋɔmmɛwva, naa n vem nɔm le kɔlan tàndá Yuda-o a kobio Yerusalɛm taasio dɔvɔɔ ni, mɛɛ tɔŋ Hala nɔmndo co yɛ, tɔŋ co nɔm o ba-o pɛɛn.

Ɛsdras 6:6

«Lelan sisa, nɔm Tatnai co masa ibungaa o tàndá co o peo Efrate leeloo a ba paalen le del-lo coo-o, nɔm Setar-Bɔsnai a niaa caaŋaa ndaa co Afarsak o peo leeloo lon-nda, la soli sondolan o sɔɛi ken nin few-few.

1Dɛnnda lemasalan 23:4

Mí David hɛli vannda vaalan bidiin a lahiɔɔlu (24 000) le hɔlla landɔɔ o baala Cɛi-Mɛlɛka-o coo, vannda vàálan tan ŋɔmpum (6 000) le simlacilen a le yaman kiolɔɔ,

1Dɛnnda lemasalan 22:12

Màá o ke nɔm taasio a kɔlkaloo telen o kenin nɔm masalen Israɛlla coo-o, haliko ma bii tɔŋnda ndɔlan!

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

O Kandɔɔ 41:38

O kon mí Faraɔnnɔɔ ɲuna vanaa bɛndua kan aa: «N sɔlanin pá vanndo o tiwnin ba le vali kon tosaa-o maa poo ho, o kɔl Hala-o co hoo nin-ndo?»

O Kandɔɔ 41:39

Mó dimul Yosɛf aa: «Le tùú Hala cɔm nɔm sɔɔn mun kpow-vo, vana celen co mò nɔ kɔlkaloo a taasio maa nɔm te.

2Masaa 17:27

O kon, mí masaa Asiri dimi aa: «La mingi vana-solia-lasálàá pilɛ o a niaa hin fulaa lon-nda tɛɛn, mó kɔ va lon le nda dina hala co o lɛŋnde len nin-ndo pɛɛkoo.»

Ɛsdras 10:4

Cɔn, kani sɔɛi he sɔɛi nɔmnde i co ni. Naa bɛɛ n co nɔm kɔɔli. Lelan kiisan te, kandu vallo.»