Ɛsdras 7:16 - BII BILA

¹⁶ Handɔɔ o kon coo, ma cua vɛlɛ volion a sianin n cuungiaanin o tàndá Babilɔn-ndo nin-ndon kpow, ma kɔɛ a mun. Ma bii bolofaa Israɛlla a vanaa-solia-lasálàá yɔngunin a yeemɛi ndɛi le Cɛi-Hala ndaa Yerusalɛm-ndo, ma handu o kon coo.

Ɛsdras 7:16 Referans Kwoze

1Dɛnnda lemasalan 29:6

O kon mí vanaa va bolii lapangɛi-ya, á va polama Israɛlla bollen-nda, á va kundala vanaa cɔvaa kundala n'van vàá-vàálan a kundala n'van kɛmɛ-kɛmɛlan bollen-nda, a vanaa va vanaa baala masaa simndan laci-a a yɔngu ɲɛm-kéan ndan a kɔlta ndalan bɛɛn-bɛɛn.

Ɛsdras 1:6

Mí vanaa nda va icali tɛɛn-nda kpow a mala nda a ɲɛm nda cɔw a volion-ndon, ɲɛm nda cɔw a sianion-ndon, ɲɛm celen, cɔlua a ɲɛm sɔvɛɔn, handɔɔ o ɲɛm-kéan vannda yɔngu a yeemɛi nda pilɛi-yon coo.

Ɛsdras 1:4

Vanaa ndɔa tɔ̀a lo yoomu-a, nɛɛ-nɛɛ nda co pɛ, vanaa nda co icali tɛɛn-nda bɛnda mà mala nda a volion, a sianion, a ɲɛm celen, a cɔlua a á ɲɛm-kéan vana yɔngu a yeemɛi vana pilɛi-yon, le Cɛi-Hala-o tangullo, Hala co Yerusalɛm-ndo.›»

1Dɛnnda lemasalan 29:9

Mí ɲɔɔ hɛnan vannda le ɲɛm-kéan nda yɔngu Hala a kɔlta ndalan-ndon, kani a va a ɲaaloo. Mí masaa David bɛɛ dɔawnun ɲaale taw-taw.

2Korɛntea 9:7

Lelan, vana-vana yɔngu mɛɛ o kelun o kɔl-lɛ, o va a imɔnɔ le, te kon te maa baŋɔɔ le nda baŋ ndu le, kani Hala kaola vana yɔngu a ɲaaloo-o.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

2Dɛnnda lemasalan 6:2

kɛ ya, i cii nɔm cɛi kɛndɛ sɔvɛ bɛndoo tengul, nɛɛ n vanin icali le fɛɛn a fɛɛn-nda pɛɛn!»

2Dɛnnda lemasalan 6:5

‹Kandɔɔ o paale ya soli vanaa nia o lɛŋnde Esipte len nin-nden, i hɛli kobi oo kobi o kobila Israɛlla tɛɛn le ya cɛi tengul nɛɛ ya vanin icali-a le, i hɛli vɛlɛ vana le vaa simlacinɔ vanaa nia le, Israɛlla pɛɛn.

2Dɛnnda lemasalan 6:6

Kɛ mí hɛli Yerusalɛm haliko mi diola nilan la va biilɔnndo lon. Mí hɛli vɛlɛ David, haliko mo tosa masalen vanaa nia coo, a co Israɛlla-a.›»

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.

Condii lisai 135:21

La lisa Mɛlɛka fulaa Siɔn, o co icali Yerusalɛm-ndo pɛɛn. Màá Mɛlɛka va yoomu!