Ɛsdras 7:15 - BII BILA

¹⁵ N vem nɔm vɛlɛ le kɔlan a volion a á sianin ya masaa a vanaa nia silaa ke Hala Israɛlla a yeemɛi nɛi-yon, Hala calta ndɔlan la co Yerusalɛm-ndo.

Ɛsdras 7:15 Referans Kwoze

Condii lisai 135:21

La lisa Mɛlɛka fulaa Siɔn, o co icali Yerusalɛm-ndo pɛɛn. Màá Mɛlɛka va yoomu!

2Dɛnnda lemasalan 6:2

kɛ ya, i cii nɔm cɛi kɛndɛ sɔvɛ bɛndoo tengul, nɛɛ n vanin icali le fɛɛn a fɛɛn-nda pɛɛn!»

Ɛsdras 6:12

Masa oo masa, te kon te vanaa-mangalaa-isɔɔ súú-súù a tuundan pɛ le dɛnɛ pum tosaa le tɔŋndo ho tɛɛmbuuo, le Cɛi-Hala co kon Yerusalɛm-ndo puusiaa, màá Hala diola ndɔlan la co piɔlnɔnndo o fonda kon-ndo tɛɛmbuu vana kon! Ya Darius pila yii tɔŋndo ho ni, lelan lende kpafii o tosannin ni.»

Condii lisai 76:11

Hali kɔltuw vanndacieea siŋnun biiloo le nɔm, mì vanaa lonin a kɔltuwvo-a vownun volɔɔla biisilan.

Condii lisai 76:2

Hala sinan o tàndá Yuda-o nin, diola ndɔlan la co la bɔɔ o lɛŋnde Israɛl-ten nin.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Condii lisai 26:8

Òó Mɛlɛka! Cɛi n co nin-ndo hɛnan ya, fonda biilu nɔmndo co-o pɛɛn!

Condii lisai 9:11

Éé Mɛlɛka! Màá vanaa sina diola nɔmndan-nda tiindan nɔm! Kani nɔm, a múlùl vanaa co hunɔɔ o nɔm ndo-a kɔɔ le.

Ɛsdras 6:4

Mà kɛsi powta sialaalan polan man yáá a pɛngɛn celulan sɛnɛiyon polalen lepilɛ. Vɔngu kon kpow fulanin o kesu lemasaa nin.

2Dɛnnda lemasalan 6:6

Kɛ mí hɛli Yerusalɛm haliko mi diola nilan la va biilɔnndo lon. Mí hɛli vɛlɛ David, haliko mo tosa masalen vanaa nia coo, a co Israɛlla-a.›»

2Dɛnnda lemasalan 2:6

Lelan, vim ya vana caa sianion, volion, daɲan a cilinndon baalaa-o, o caa kolala keeselan yinɔɔ siaŋaa vólotótoo, yinɔɔ siaŋaa sɔɔtɔtɔɔ a yinɔɔ makaa-o, mò caa vɛlɛ tuuliaalan kɛmikɛmiaa-o, haliko mo tosa baalaa nda langbaa nia caa baalaa-a latulu, á co ya ikɛi Yerusalɛm o tàndá Yuda-o nin-nda, a David fuɲa ni ndóò hɛli-a pɛɛn.

1Dɛnnda lemasalan 29:6

O kon mí vanaa va bolii lapangɛi-ya, á va polama Israɛlla bollen-nda, á va kundala vanaa cɔvaa kundala n'van vàá-vàálan a kundala n'van kɛmɛ-kɛmɛlan bollen-nda, a vanaa va vanaa baala masaa simndan laci-a a yɔngu ɲɛm-kéan ndan a kɔlta ndalan bɛɛn-bɛɛn.

Ɛsdras 7:14

Ya masaa a vanaa nia silaa ŋɔmmɛwva, naa n vem nɔm le kɔlan tàndá Yuda-o a kobio Yerusalɛm taasio dɔvɔɔ ni, mɛɛ tɔŋ Hala nɔmndo co yɛ, tɔŋ co nɔm o ba-o pɛɛn.

Ɛsdras 8:25

Mí tuu ɲɔɔn mun kpow nda o hɔl: volion, sianion a ɲɛm sɔvɛɔn, n masaa, vanaa ndɔa silaa a vanaa kùndàà ndɔa a Israɛlaa va Babilɔn kpow-va yɔngu le Cɛi-Hala-o-on.

2Dɛnnda lemasalan 32:23

O kon, mí vanaa bɔɔ-bɔɔ a yoo Mɛlɛka sálàlan Yerusalɛm, má yoo vɛlɛ Esekia va masaa Yuda-o ɲɛm-kéan taw. Kandɔɔ o telen kon, mí Esekia siŋnun vana vanaa-mangalaa-isɔɔa kpow a ke bɛɛlen-ndo.

Ɛsdras 1:6

Mí vanaa nda va icali tɛɛn-nda kpow a mala nda a ɲɛm nda cɔw a volion-ndon, ɲɛm nda cɔw a sianion-ndon, ɲɛm celen, cɔlua a ɲɛm sɔvɛɔn, handɔɔ o ɲɛm-kéan vannda yɔngu a yeemɛi nda pilɛi-yon coo.