Ɛsdras 7:13 - BII BILA

¹³ I yɔngu diomndo mí cɛl, haliko mi Israɛlla, vanaa-solia-lasálàá a leviia, a co o masale nilen nin má yeema le kɔlan Yerusalɛm-nda kpow a kɔɛ niaa ndaa latulu.

Ɛsdras 7:13 Referans Kwoze

Ɛsdras 6:1

O kon kɔɔli, mí masaa Darius viam vannda le yaasiaa o cɛi mandaa lasɛbɔɔ nin, nɛɛ bolofaa va o mandaa Babilɔn-nda.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

Condii lisai 148:6

O cii mun kɛsi o fondalan le lɔ́ɔ́-lɔ́ɔ̀, o hendu mun tɔŋndo, tɔŋ vana kpeeŋianin too.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Ɛstɛr 9:14

Mí masaa cɛl mì i tosan lende. Mí sɔɛi ken yondan Suse, o kon mí poaa tɔ́a Haman-nda sɔla landɔɔ o yɔmndo.

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

Ɛsdras 5:13

Nduyɛ, o vɔsi tasoo nin o masale Siris masaa Babilɔn-nden bɛngu, mí ndu masaa Siris viam vannda le Cɛi-Hala-o ho mingio tangullo.

Ɛsdras 1:3

Lelan, vanaa co vanaa ndɔa o niaa tɛɛn-nda, a hèèlú Yerusalɛm, o tàndá Yuda-o nin le Cɛi-Mɛlɛka-o, o co Hala Israɛlla-o mingio tangullo lon. Hala nda co biiloo Yerusalɛm-ndo pɛɛn. Màá Mɛlɛka Hala ndaa va nda ikɛi!

2Dɛnnda lemasalan 30:5

Má yiyan le diom kon keiyo balɔɔ yondaa o lɛŋnde Israɛl-ten nin kpow, kandɔɔ Bɛɛr-Seba háá Dan, haliko mi vannda hin Yerusalɛm ciee le kafo-hiavaa-coo tosaa le Mɛlɛka Hala Israɛlla biiloo. Kani vanaa bɔɔ-bɔɔ ve lɛ Kafo kalaa tosa mɛɛ ndóò sɛvan yɛ le.

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!