Ɛsdras 7:12 - BII BILA

¹² «Ya Artasɛrsɛs, masa hiow masaa-o sɛval nɔm Ɛsdras vana-solia-lasálàá a vana sɛvaa sina tɔŋ Hala co o halataala-o-o sɛbɔɔ ho ni.

Ɛsdras 7:12 Referans Kwoze

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Esekiɛl 26:7

Kani nuaa Maalii, o co Mɛlɛka-o dimi ni aa: «I viamnin Nebukanɛsar masaa Babilɔn, masa hiow masaa-o, mò cɛn a maluaŋ, mò hinul kobio Tir a soa, a ɲɛla ɲaanannda soa nan-ndan, a vanaa ɲaanun a soa-a, a vanaa cɔwva taw-taw, a sɛ́lɛ́ bɛndu-bɛndoo kɔɔli.

Ɛsdras 4:17

Mí masaa mulul nda aa: «Le Rehum masa ibungaa, le Simsai vana sɛvaa a le caaŋaa niaa tɔ̀a kpow, á co icali Samari-a a á co icali o lɛŋii co Efrate leeloo a ba paalen le del-lo-e nin-nda kpow. I yil niaa kpede.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Esai 10:8

Kani o dimi aa: ‹Vɛ̀ɛ̀ cuavaa lemasaa niaa o co maa masaa le nda co le?

1Masaa 20:1

Mí Bɛn-Hadad, ó va masaa Aram-ndo cuungiaa vanaa ndɔa cɔwva kpow, masaa beleyaa a à ŋiɔn, soa a ɲɛla ɲaanannda soa nan-ndan, má kɔ tiila kobio Samari le ndu delɔɔ coo a cɔwvo.

Ɛsdras 7:1

O dɛnnda lan kɔɔli, telen Artasɛrsɛs masa Pɛrsea va o masalen coo-o, mí langbanɔɔ pum fula Babilɔn diolan ndu aa Ɛsdras, po Seraya-o o va ni, fulaa o polale Aarɔn bolle vanaa-solia-lasálàá len nin. Aarɔn velu Eleasar ni, mí Eleasar vialu Pineas, mí Pineas vialu Abisua, mí Abisua vialu Buki, mí Buki vialu Usi, mí Usi vialu Seraya, mí Seraya vialu Merayɔt, mí Merayɔt vialu Asaria, mí Asaria vialu Amaria, mí Amaria vialu Ahitub, mí Ahitub vialu Sadɔk, mí Sadɔk vialu Salum, mí Salum vialu Hilkiya, mí Hilkiya vialu Asaria, mí Asaria vialu Seraya fuɲaa Ɛsdras.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Ɛsdras 7:11

Tofa vɔ sɛbɛ masaa Artasɛrsɛs yɔngu Ɛsdras vana-solia-lasálàá a vana sɛvaa latɔŋndo a dɛnɛ Israɛlla o kɔɔ-o. Ɛsdras kon ndóò nɔ dɛnɛ sinaa bɛndoo o tɔŋndan a o silala Mɛlɛka lan nin. Sɔɔn va n'sɛvaa o sɛbɛ kon nin-ndon va mun ni:

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.