Ɛsdras 7:11 - BII BILA

¹¹ Tofa vɔ sɛbɛ masaa Artasɛrsɛs yɔngu Ɛsdras vana-solia-lasálàá a vana sɛvaa latɔŋndo a dɛnɛ Israɛlla o kɔɔ-o. Ɛsdras kon ndóò nɔ dɛnɛ sinaa bɛndoo o tɔŋndan a o silala Mɛlɛka lan nin. Sɔɔn va n'sɛvaa o sɛbɛ kon nin-ndon va mun ni:

Ɛsdras 7:11 Referans Kwoze

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 23:2

«Vanaa pɛɛkaa latɔŋnda a Faliisia bɛnda ni mà tɛɛsiaa tɔŋnda Moise lan ni.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Ɛsdras 5:6

Má sɛva sɛbɔɔ, má yoo masaa Darius. Vanaa sɛva sɛbɛ kon-nda yɔŋnun haa ni: Tatnai va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa va Afarsak o peo leeloo lon-nda.

Ɛsdras 4:11

Sɔɔn sɛvan o sɛbɛ kon nin-ndon va mun ni aa: «Masaa Artasɛrsɛs, buɛyaa nɔmaa co o tàndá co o pee bɛndoo Efrate leeloo a ba paalen le del-lo-a co sɔɛi nuaa ni.

Ɛsdras 7:10

A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

Ɛsdras 7:12

«Ya Artasɛrsɛs, masa hiow masaa-o sɛval nɔm Ɛsdras vana-solia-lasálàá a vana sɛvaa sina tɔŋ Hala co o halataala-o-o sɛbɔɔ ho ni.

Ɛsdras 7:21

Niaa vanaa mandaa bolofaa co o tàndá co o peo Efrate leeloo a ba paalen le del-lo-a, ya masaa Artasɛrsɛs, i yɔngu tɔŋndo ho: la yɔngu ɲɛ Ɛsdras vana-solia-lasálàá a vana sɛvaa tɔŋ Hala co o halataala-o ɲunanin niaa-o kpede.