Ɛsdras 7:10 - BII BILA

¹⁰ A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

Ɛsdras 7:10 Referans Kwoze

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Condii lisai 1:2

Kɛ o dɔawnun ɲaale o tɔŋ Mɛlɛka-o nin-ndo, o keela kɔllo lecoo paalen a ɲumndan-ndo.

Ɛsdras 7:25

Nɔm Ɛsdras yɛ, mɛɛ kɔlkalu Hala nɔmndo co yɛ, kɔlkalu co nɔm o ba-o pɛɛn, hɛli vanaa kialaa n'yamaa a vanaa toosiaa n'sɔɔa, haliko mi kan va le yaman kiolɔɔ o tàndá co o peo Efrate leeloo a ba paalen le del-lo-o kpede nin, vanaa sina tɔŋnda Hala lan-nda pɛɛn. Le vanaa sina vɔ tɔŋnda lan te-a yɛ, a bɛnda ma pɛɛku nda lan.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

Tɔŋ miingua 33:10

A co cuavaa Yakɔb-a silala nɔmndan pɛɛkoo, a co Israɛlla tɔŋ nɔmndo tɛɛsiallo. A co ansan lomɔɔ nɔm o milinndo bɛngu, a co sálà loamaa solio o fonda-loamaa-lasálà nɔmndo coo.

1Dɛnnda lemasalan 29:18

Mɛlɛka, Hala fuɲa naa mamaa Abraham, Isaak a Yakɔb, tosa mì vanaa nɔmnda nɔ hee o kɔl le lɔ́ɔ́-lɔ́ɔ̀, mì yiyannda ndalan la va nɔm coo.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Tite 2:1

Kɛ nɔm yɛ, pɛɛku vannda kaannde sandaalen.

Condii lisai 119:45

I vanin kelaa o kɔlɲuloo nin, kani i co tɔŋnda nɔmndan biyɔɔ.

Condii lisai 57:7

Yaamɔɔa tondu yalaa o kàŋnda nilan coo, mí kpakpala ndu. Má toaw soondo o nɛi nuu coo, mí nda pila deli lenin.

2Dɛnnda lemasalan 30:22

Mí Esekia soaa o leviaa ndáà nɔ yiyan kɛndɔɔ o lakɔl le baalaa Mɛlɛka-o tosaa-a lo kpow, mó luei nda yoomuan. Palɛi ŋɔmmɛw, a va ɲɛdiaa kafoo dioo, a va sálàla kɔlɲululan solio, a va vɛlɛ Mɛlɛka Hala fuɲaa ndaa mamaa biiloo.

2Dɛnnda lemasalan 19:3

Nduyɛ, nɔm óò tosa dɛnɛ kɛndɔɔ, kani má loam sooluulan o lɛŋnde nɔmnden nin, má kela vɛlɛ o nɛila Hala lan coo a kɔl nɔmndo kpow.»

2Dɛnnda lemasalan 12:14

Mí Roboam tosa dɛnɛ vɔɔndo, kani o cɛl le Mɛlɛka holnɔnndo le.

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

Dɛnnda kiilaa 1:1

Teofil kɛndɔ sei! I sɛva dɛnnda Yeesu kandu tosaa lan a pɛɛkula o kandu yɔngoo lan kpow o sɛbɛ tasoo nin,

Tɔŋ miingua 16:12

La loonun maa cɛa niaa va Esipte ni, o kon mì la bii silalan-ndan.»

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Matie 5:19

Vana-vana tɛɛmbuu pɛ tɔŋ hiow dɔɔnanndo o tɔŋndan ndan tɛɛn-ndo o pilɛ, mò pɛɛku vannda tosaa maa ndu, vana kon ndu hiawnin dɔɔnanndo o masale halataala len nin ni. Kɛ vana kela pɛ lecoo, mò pɛɛku vannda lan biyɔɔ, ndu vanin vana bɛndoo o masale halataala len nin.

SƐBƐ YƆB-O 11:13

Kɛ nɔm, mingi kɔl nɔmndo o Hala lo sanaa, tɛilul ndu balan mà piɛi ndu.

Ɛsdras 7:11

Tofa vɔ sɛbɛ masaa Artasɛrsɛs yɔngu Ɛsdras vana-solia-lasálàá a vana sɛvaa latɔŋndo a dɛnɛ Israɛlla o kɔɔ-o. Ɛsdras kon ndóò nɔ dɛnɛ sinaa bɛndoo o tɔŋndan a o silala Mɛlɛka lan nin. Sɔɔn va n'sɛvaa o sɛbɛ kon nin-ndon va mun ni:

Condii lisai 119:112

I mandannin tɔŋnda nɔmndan o kɔl, la vanin ya o kɔl le lɔ́ɔ́-lɔ́ɔ̀, háá o mɛɛlulan.