Ɛsdras 6:6 - BII BILA

⁶ «Lelan sisa, nɔm Tatnai co masa ibungaa o tàndá co o peo Efrate leeloo a ba paalen le del-lo coo-o, nɔm Setar-Bɔsnai a niaa caaŋaa ndaa co Afarsak o peo leeloo lon-nda, la soli sondolan o sɔɛi ken nin few-few.

Ɛsdras 6:6 Referans Kwoze

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Ɛsdras 5:6

Má sɛva sɛbɔɔ, má yoo masaa Darius. Vanaa sɛva sɛbɛ kon-nda yɔŋnun haa ni: Tatnai va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa va Afarsak o peo leeloo lon-nda.

Esai 27:8

Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

Ɛsdras 4:9

«Rehum masa ibungaa, Simsai vana sɛvaa, a caaŋaa ndaa fula Din-nda, a fula Afarsatak-a, a fula Tarpɛl-la, a fula Afaras-a, a fula Erɛk-a, a fula Babilɔn-nda, a fula Suse-a, a fula Deha-a, a fula Elam-nda,

Ɛsdras 6:7

La mal vanaa kan mà hiow laci a Cɛi-Hala-o mingio tangullo. Masa ibunga co Yuifia coo-o nda kaasoŋaa kɔlkalua Yuifia bɛnda mà mingi Cɛi-Hala kon tangul o fonda ndɔ pandoo coo.

Ɛsdras 6:13

O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.