Ɛsdras 6:4 - BII BILA

⁴ Mà kɛsi powta sialaalan polan man yáá a pɛngɛn celulan sɛnɛiyon polalen lepilɛ. Vɔngu kon kpow fulanin o kesu lemasaa nin.

Ɛsdras 6:4 Referans Kwoze

1Masaa 6:36

O kon kɔɔli, mó kunga bɛɛ va lenin-ndo a powta sialaalan polan man yáá a á pɛngɛn yɔm sɛɛdre polalen lepilɛ.

Condii lisai 68:29

Òó Hala! Tosa mɛɛ kpaaya nɔmndo co yɛ. Cɔm naa kpaaya nɔmndo mɛɛ n tosa paandu yɛ.

Dɛnnda cɔɔmuanndan 12:16

Kɛ mí lɛŋnden le mala cuaa, mɛɛ le kumbi sondoo, mí le mial pee bɛndu tambálakáà ndóò susul kon-ndo.

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Ɛsdras 6:8

La tuei-yɔ tɔŋ ya handu-o: ɲɛ niaa bɛnda mì la tosal vanaa kɔlkalua Yuifia le Cɛi-Hala mingio tangullo-o co hoo ni: bɔnɔla tangul kon la bɛnda mì la fula o volin lemasan nin, o mulu co biinɔnndo o tàndá co o peo Efrate leeloo a ba paalen le del-lo nin-ndo nin. Ɲɛ-sɔlaa kon bɛnda mò va vanaa kan yɔngɔnndo telen oo telen, yɔŋii vallo tamala nda o ba.

Ɛsdras 3:7

Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.

Ɛsdras 5:8

Masaa, sina pɛngu maa n kɔɛ o tàndá Yuda-o nin, mí n kɔ tiiya háá o Cɛi-Hala-o dí, Hala bɛndoo pɛɛn. A kandu Cɛi kon mingio tangullo a powta sialaalan. A co yɔmnde vowvo o cìì Cɛi kalaa nin. Vali kalaa co tosanndo a taasio ɲɛkɛndɛi, o co bɛndaa nda o ba taw.