Ɛsdras 6:3 - BII BILA

³ «O vɔsi tasoo nin o masale Siris len bɛngu, mí ndu masaa Siris handu tɔŋndo ho a Cɛi-Hala-o Yerusalɛm o kɔɔ aa: ‹Cɛi-Hala-o bɛnda mò muungu tangulɔn, haliko mo muungu vɛlɛ Cɛi vana soli sálàlan nin-ndo. O bɛnda mò muungu kilan o foofo ndɔ paandoo coo, o vanin simndan dunndo belaŋɔmpum, buo dunndo belaŋɔmpum.

Ɛsdras 6:3 Referans Kwoze

2Dɛnnda lemasalan 36:22

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Dɛnnda cɔɔmuanndan 21:16

Maa kpakpa kobi kalaa va ni, bu ndɔɔ a bandii ndɔɛi va kpen-kpen. Mó tuu kobi kalaa a kpɛ̀ndɛ̀le len: mó fula bandei kpɛ̀ndɛ̀le len vaalan tɔ́ a latiɔn, lende koni helɔɔ ndɔɔ a bu ndɔɔ va ni.

Condii lisai 122:4

O nɔmndo polama Israɛlaa fula o Mɛlɛka nin-nda a co kɔlan nuaa ni, le diola nɔmndan sangalaa mɛɛ tɔŋndo co yɛ.

2Dɛnnda lemasalan 2:6

Lelan, vim ya vana caa sianion, volion, daɲan a cilinndon baalaa-o, o caa kolala keeselan yinɔɔ siaŋaa vólotótoo, yinɔɔ siaŋaa sɔɔtɔtɔɔ a yinɔɔ makaa-o, mò caa vɛlɛ tuuliaalan kɛmikɛmiaa-o, haliko mo tosa baalaa nda langbaa nia caa baalaa-a latulu, á co ya ikɛi Yerusalɛm o tàndá Yuda-o nin-nda, a David fuɲa ni ndóò hɛli-a pɛɛn.

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Ɛsdras 3:7

Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.

2Dɛnnda lemasalan 2:3

Tofa vɔ, i co Cɛiyo simio o diola Mɛlɛka Hala nuu, le Cɛi kon siinguuo teengen le ndu, le ansan lomɔɔ ndu o hɔl, le bulula sálàla co le Mɛlɛka lan vaa kɛsio lɔ́ɔ́-lɔ́ɔ̀ ndu o hɔl a le sálàla loamaala idiilan a sálàla icɔl-tan solio, le sálàla palɛi pɛngiaalan, sálàla paangun sɛnɛilan a le sálàla kafola Mɛlɛka Hala naa solio mɛɛ tɔŋndo yiilun Israɛlla le tosaa fɛɛn a fɛɛn yɛ.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.