Ɛsdras 6:21 - BII BILA

²¹ O kon mí Israɛlaa fula o biyɔɔ nin má muungu-a dia ɲɛdiaa kafo-hiavaa-coo nda vanaa sɛyan a dɛnɛ nɔɔlɛi vanaa-mangalaa-isɔaa va o lɛŋnde len nin-nda-a, a yiinun a Israɛlla le mulinndo Mɛlɛka Hala Israɛlla o ibuŋ-nda pɛɛn.

Ɛsdras 6:21 Referans Kwoze

Ɛsdras 9:11

Tɔŋnda nɔm óò yɔngu vanaa nɔmaa baalaa, vanaa-tɛɛngaa-diom Hala-a nɔmnda le naa lan tɛɛngullo lan pɛɛn. Mí nɔm óò dimul naa o tasendɔ aa: Lɛŋnde niaa co lakɔ le calle nin-nden le cuu nɔɔliaa, kani vanaa co o lɛŋii ken nin-nda cuu nɔɔlian. Kandɔɔ o tumndo háá o bollen, a cii len pei a dɛnnda vɔɔnndan.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Nehemi 9:2

Má Israɛlla sɛyan a vanaa co N'Yuifi le-a, má cal nda daama, má sɔlɔlan hakila ndala nda pila lan a hakila fuɲaa ndaa mamaa.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Condii lisai 93:5

Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.

Nehemi 10:28

Maluk, Harim a Baana.

2Dɛnnda lemasalan 30:19

mal vanaa co kindinndo a kɔlta ndalan le Hala, o co Mɛlɛka-o nuwviaa-a haki, Hala fuɲaa ndaa mamaa pɛɛn! Hali a co bɛɛ a diandaa nuaa le, kɛ màá o mal nda haki!»