Ɛsdras 6:16 - BII BILA

¹⁶ O kon mí Israɛlla, vanaa-solia-lasálàá, leviia a vanaa fula o biyɔɔ nin-nda kpow a tosa kafo kumbiaa Cɛi-Hala-o a kɔlkɛndɛ bɛndoo.

Ɛsdras 6:16 Referans Kwoze

2Dɛnnda lemasalan 7:5

Mí Salomɔn soli sálàá a nawva vaalan bidiin a latiɔn a saa vaalan kɛmɛ a bidiin. Mí masaa nda vannda kpow a tosa faleŋii kumbiaa Cɛi-Hala-o.

1Masaa 8:63

Mì Salomɔn dii nawva vaalan bidiin a latiɔn, mó dii saa a cuinnda vaalan kɛmɛ a bidiin le Mɛlɛka sálà kɔlɲuloo solullo. O kon mí ndu masaa nda Israɛlla kpow a tosa kafoo, má sɔaa Cɛiyo Mɛlɛka o ba.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Nsaŋ 10:22

Yerusalɛm ndáà tosa kafoo le loonɔnndo a paale nda sɔɔ Cɛi-Hala-o Hala pila o ba len ni. A sialten ndáà tosa kafo kalaa ni.

Condii lisai 122:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. I dɔwnun ɲaale a vanaa co ya dimullo aa: «N kɔnnun o Cɛi-Hala-o nin-nda.»

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Ɛsdras 4:1

Mɛɛ yaamɔaa yungu Yuda-o a yungu Bɛnyamɛn-ndo a tuei maa vanaa fula o biyɔɔ nin-nda co Cɛi-Hala-o mingio tangullo le Mɛlɛka, o co Hala Israɛlla-o,

2Dɛnnda lemasalan 30:26

Vanaa va Yerusalɛm-nda va a ɲaaloo taw. Kani kabi o palɛi Salomɔn, po David va masaa Israɛl-lo-e bɛngu, kafo súú vaa lende yɔŋnun Yerusalɛm te.

2Dɛnnda lemasalan 30:23

Mí vannda kpow a cɛlan le kafoo tosaa o palɛi celen ndii ŋɔmmɛw bɛngu. Palɛi ndii ŋɔmmɛw vɛlɛ a va kafoo a ɲaaloo.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

1Dɛnnda lemasalan 9:2

Vanaa yɔŋnun vanaa tasea le muungoo o kobila ndalan nin má kɔ mingin yondola ndalan o ba-a yɔŋnun Israɛlaa tɔ̀a ni. O nda kɔɔli, mí vanaa-solia-lasálàá, leviia a vanaa va baalaa o Cɛi-Hala-o nin-nda bɛɛ a muungu.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

Nehemi 8:10

Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»

1Masaa 8:62

Mí masaa Salomɔn nda Israɛlla solul Mɛlɛka sálàlan.

Daniɛl 5:13

O kon, má hun a Daniɛl o masaa lo. Mí masaa ɲuna ndu aa: «Nɔm co Daniɛl fula o vanaa nda hin o biyɔɔ nin-nda tɛɛn-ndo ni, a fuɲa nuu hin fulaa Yuda-a?

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

Nehemi 12:27

«Mɛɛ nda cii kpakio Yerusalɛm cɔvɔɔ, má veelu leviia kpow fulaa o fondala yɛ́-yɛ́la nda va icali lan le hunɔɔ kafo bɛndoo tosaa Yerusalɛm le kpakio kumbio a ɲaale bɛndoo, a condun biilan a kɛŋun comulan, a bangalan a á bɔ̀mbillon.