Ɛsdras 6:13 - BII BILA

¹³ O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.

Ɛsdras 6:13 Referans Kwoze

Ɛsdras 4:9

«Rehum masa ibungaa, Simsai vana sɛvaa, a caaŋaa ndaa fula Din-nda, a fula Afarsatak-a, a fula Tarpɛl-la, a fula Afaras-a, a fula Erɛk-a, a fula Babilɔn-nda, a fula Suse-a, a fula Deha-a, a fula Elam-nda,

Talelan 29:26

Vanaa bɔɔ-bɔɔ co candɔɔla simlacia ndaa nuwviaa, kɛ Mɛlɛka kialu yamɛi kela vana-vana ni.

Ɛstɛr 6:11

Mí Haman kɔ cua doma bɛndoo a sow, mó vow Mardosee doma kon, mó heelu ndu o sow coo, mó kɔa a ndu o falii kobio, mó va dimio aa: «La tofa vɔ ɲɛ vana tosà le vana masaa yeema le bɛɛlen keo-vo-o!»

Ɛsdras 6:6

«Lelan sisa, nɔm Tatnai co masa ibungaa o tàndá co o peo Efrate leeloo a ba paalen le del-lo coo-o, nɔm Setar-Bɔsnai a niaa caaŋaa ndaa co Afarsak o peo leeloo lon-nda, la soli sondolan o sɔɛi ken nin few-few.

Ɛsdras 5:6

Má sɛva sɛbɔɔ, má yoo masaa Darius. Vanaa sɛva sɛbɛ kon-nda yɔŋnun haa ni: Tatnai va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa va Afarsak o peo leeloo lon-nda.

Ɛsdras 4:23

Mɛɛ sɛbɛ masaa Artasɛrsɛs sɛva-o dimin dɔ́ɔ́ Rehum, Simsai a caaŋaa ndaa o hɔl, má kɔa cɔ́-cɔ́ Yerusalɛm, má komal Yuifia, má kuuna nda tangul kon a paa-kala.

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

Vana Kɔlkaloo 8:4

Sɔɛi masaa co sɔɛi vana sɛ́ɛ́ngiàà le, vana-vana tiwba mò ɲuna ndu le aa: ‹Yɛɛ n co yɛ tosaa ho?›