Ɛsdras 6:12 - BII BILA

¹² Masa oo masa, te kon te vanaa-mangalaa-isɔɔ súú-súù a tuundan pɛ le dɛnɛ pum tosaa le tɔŋndo ho tɛɛmbuuo, le Cɛi-Hala co kon Yerusalɛm-ndo puusiaa, màá Hala diola ndɔlan la co piɔlnɔnndo o fonda kon-ndo tɛɛmbuu vana kon! Ya Darius pila yii tɔŋndo ho ni, lelan lende kpafii o tosannin ni.»

Ɛsdras 6:12 Referans Kwoze

1Masaa 9:3

Mó dimul ndu aa: «I cɛl piɛile tɛɛlannde n piɛi ya len, i dindi Cɛi n tengul-la hoo le diola nilan vaa piɔlnɔnndo lenin le lɔ́ɔ́-lɔ́ɔ̀-o, i nɔnin vɛlɛ hɔlla a kɔllo lecoo lɔ́ɔ́-lɔ́ɔ̀.

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Fulaa 20:24

La ców ya fonda-loamaa-lasálàá a puuloo, mì la soli sálàla loamaala niaalan a sálàla kɔlɲulula niaalan lecoo, mì la soli vɛlɛ cɔlua niaa pɔmbɔa a navaa niaa sálàá lecoo. Fonda oo fonda ya cɔmnun niaa pɛ, i hin o niaa lo, i dɔw niaa duaa.

Dɛnnda kiilaa 9:5

Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

Abdia 1:10

«Le kɔlvesɛi niaa tosal puapilɛa niaa-o, cuavaa Yakɔb-a pɛɛn, siɛmbulan la toalnin niaa, mì niaa pila cuu le fɛɛn a fɛɛn.

Esai 60:12

Kani te vanaa-mangalaa-isɔɔa a masalen a hun kɛɛ pɛ le nɔm baalaa tosallo, a tɛɛmbunnin nda mà ɲum mundu.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Condii lisai 5:10

Toɲa oo toɲa co nda o lasondo le, kɔlta ndalan la co lapiaa cá a tuula vɔɔnndan, bolola ndalan la co maa sɛi piɔlɛi, sɔɔn caan koni n co nda o lasondo ni.

Ɛstɛr 8:14

Mí vanaa piɔw sɛbɛlan-nda hel o soa lemasaa coo, má fula cɔ́-cɔ́ le kɔlan sɛbɛla lan yɔɔ maa mɛɛ masaa ndóò dimi yɛ. Fɔ́ɔ́fɔ̀, mì sɔɛi kalɛi yondan, mí i tiw o kobi lebollo Suse nin kpow.

2Dɛnnda lemasalan 7:16

I hɛli Cɛiyo ho mí dindi ndu le ya Mɛlɛka, haliko mi diola nilan la va piɔlnɔnndo lenin le fɛɛn a fɛɛn. Hɔlte nilen a kɔl nuu vanin nanu le lɔ́ɔ́-lɔ́ɔ̀.

Tɔŋ miingua 16:2

La bɛnda mì la soli sálà kafo-hiavaa-coo a nawva, a saa, te kon te a cuinnda le Mɛlɛka Hala niaa biiloo, mì la dii cɔlua kan o fonda Mɛlɛka pila hɛlinin le diola ndɔlan vaa biilɔnndo lon-ndo.

Ɛsdras 6:13

O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Ɛsdras 7:15

N vem nɔm vɛlɛ le kɔlan a volion a á sianin ya masaa a vanaa nia silaa ke Hala Israɛlla a yeemɛi nɛi-yon, Hala calta ndɔlan la co Yerusalɛm-ndo.

Ɛsdras 7:26

Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»

Ɛsdras 7:17

A tiiya pɛ, a pendu navaa tovaa, saa kóndóa, saa téndéa, kpeyan bɛnda le sálàá solio a nda-o a mɔima bɛnda le sálàá solio a nda-an. O kon, a soli ɲɛm mun kpow sálà o fonda-loamaa-lasálàá coo o Cɛi-Hala niaa nin Yerusalɛm.