Ɛsdras 6:11 - BII BILA

¹¹ La tuei-yɔ vɛlɛ tɔŋ ya yii-o: vana-vana tuundan pɛ le tɔŋndo ho tɛɛmbuuo, a nannin towlen o cɛi ndɔɔ, mà buli ndu a towle len, mà pesipesi cɛi ndɔɔ, mà mingi ndu bémboo.

Ɛsdras 6:11 Referans Kwoze

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Daniɛl 2:5

Mí Nebukanɛsar muli aa: «I cii kiolɔɔ o kɔl nuu nin maa te la cɔm ya lɔma ya sɔl-lan a kɔlɔ ndɔɔ le, i co niaa sɛɛsiaa mì pesipesi cɛila niaalan vɔ́-vɔ́.

Ɛsdras 7:26

Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Ɛstɛr 5:4

Mí Ɛstɛr mulul ndu aa: «Te nɔm masaa cɛl pɛ! I yeema mì la hin hau niaa Haman o ya lo le ɲɛdiaa sɔvɛ ya toosiaa le nɔm-ndo dioo.»

2Masaa 10:27

má sungu pow soolaa nda tɔl o diola Baal-tan-ndo, má komba vɛlɛ cɛi máán Baal kon, má mingi kabinalan tangul o fonda kon, la co vɔ lon háá paalen nden.

2Masaa 9:37

Ɲɛ tɔ̀ co lo-o saŋnunnin yondoo nin Yisreɛl lon maa puulu sál. Vana nɔlanin bɛɛ dimio le aa Yesabɛl co hoo ni.›»