Ɛsdras 6:1 - BII BILA

¹ O kon kɔɔli, mí masaa Darius viam vannda le yaasiaa o cɛi mandaa lasɛbɔɔ nin, nɛɛ bolofaa va o mandaa Babilɔn-nda.

Ɛsdras 6:1 Referans Kwoze

Ɛsdras 5:17

Lelan sisa, te nɔm masaa cɛl pɛ, viom vannda mà yaasiaa o sɛbɛla paandula lemasalan nin Babilɔn ndon, le sinaa te diom kon ndóò fula masaa Siris o sondo lekɛ́ndɛi, mí ndóò sɛvan maa Cɛi-Hala-o bɛnda mò muungu tangulɔn Yerusalɛm. O kon kɔɔli mì nɔm masaa cɔm naa tuu nɔmndo a dɛnɔɔ ho o kɔɔ.»

Talelan 25:2

Le tùú Hala vian dɛnndan lapum-ndo o sɔlà biiloo ni. Le tùú masaa yaasiaa dɛnndan-ndo o sɔlà biiloo ni.

Ɛsdras 4:15

haliko mi vana yaasiaa o sɛbɛla pandula vanaa tosa masalen nɔm laci-a nin. Nɔm pila saalunnin o sɛbɛla masindɛla lan nin, mà bii bila maa kabi sindɛ háá hau, kobi bolle kalaa kobi kon co ni. O co masaa a tàndàla o co nin-ndan cunulɔnndo kabi sindɛ. Vanaa co icali lenin-nda co pɛngi masaa simullo le. Le kɔlɔ kon kobi kalaa piɔl nuaa ni.

Dɛnnda cɔɔmuanndan 5:1

O kon kɔɔli, mí ca vana va icali o kpɛŋɛ lemasaa coo-o sɛbɔɔ pum o ba kɛndɔɔ, sɛbɛ kalaa va o sɛvaa lenin a o kɔɔ, o va o kindaa a tɔɔmaselelan tan ŋɔmmɛw.

Esekiɛl 2:9

I va tofaa, mí ca ba vanacieo o siɛndiaa nɛɛ ya va icali-a, sɛbɛ simbulaa va o ba kon.

Yeremi 36:32

Mí Yeremi cua sɛbɛ celen, mó yɔngu Baruk vana sɛvaa, po Neriya-o pɛɛn. Yeremi va sɔɛi, mí Baruk sɛva sɔɔn mun kpow, n va o sɛbɛ Yohoyakim masaa Yuda ndóò lom-ndo nin-ndon, a sɔɔn celen taw n velan a mun-ndon lecoo.»

Yeremi 36:29

Diom Mɛlɛka dimi le Yehoyakim masaa Yuda-o co hoo ni, ndu Yeremi sɛva ni aa: Lekɛ́ndɛi, masaa Babilɔn hunnin mò tɛɛmbuu lɛŋnden nden, mò diw vanndacieea a cɔlua. Kɛ má tambu kɔllo a ndu Yeremi, má loam sɛbɛ sɔɔn mun va coo-o.

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

SƐBƐ YƆB-O 29:16

Ya va fuɲaa vanaa ikɔɔa ni, I va vɛlɛ dɛnɛ mialla toosiaa ɲɛkɛndɛi.

Ɛsdras 4:19

Mí viam vannda le yaasiaa o sɛbɛla paandulan nin, má saalun lekɛ́ndɛi maa kabi masindɛ kobi kon bii sɔɛi masaa le, maa sɔngɔlan a seesiɛi vanaa co lon-nda tosa lɔ́ɔ́-lɔ́ɔ̀ ni.

Esekiɛl 3:1

Mó dimul-la aa: «Po vanacieo sei, dio ɲɛ n co cɔu-vo, dio sɛbɛ simbulaa ho, mà kɔ soo o cuavaa Israɛlla lo!»

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Ɛsdras 7:13

I yɔngu diomndo mí cɛl, haliko mi Israɛlla, vanaa-solia-lasálàá a leviia, a co o masale nilen nin má yeema le kɔlan Yerusalɛm-nda kpow a kɔɛ niaa ndaa latulu.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.