Ɛsdras 5:8 - BII BILA

⁸ Masaa, sina pɛngu maa n kɔɛ o tàndá Yuda-o nin, mí n kɔ tiiya háá o Cɛi-Hala-o dí, Hala bɛndoo pɛɛn. A kandu Cɛi kon mingio tangullo a powta sialaalan. A co yɔmnde vowvo o cìì Cɛi kalaa nin. Vali kalaa co tosanndo a taasio ɲɛkɛndɛi, o co bɛndaa nda o ba taw.

Ɛsdras 5:8 Referans Kwoze

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Condii lisai 145:3

Mɛlɛka co o bɔɔ, mɛɛ mì vana lisa ndu, vana tiwba bɔɔbɔɔyɛi ndɔɛi sinaa le.

Ɛstɛr 1:22

O kon, mí masaa yaa sɛbɛlan o kobila lebolta va o masale ndɔlen nin-ndan kpow nin, vanaa-mangalaa-isɔɔ oo vanaa-mangalaa-isɔɔ mɛɛ sɔɛi ndɛi mangalɛi va yɛ. Má dimi o sɛbɛla lan nin maa vanpiaandua kpow, vana-vana bɛnda mò va vana lebollo o yungule ndɔlen coo, mà soo o sɔɛi nda velu nda-e nin.

Ɛstɛr 1:1

O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.

Nehemi 11:3

Tofa vɔ simlacia fula o kobila bɛndulan nin, má hun cal Yerusalɛm-nda. O vanaa fula o kobila co o tàndá Yuda-o nin-nda tɛɛn, mí vana-vana cal o kobi ndɔɔ nin, vana-vana o fonda ndɔɔ, vanaa kan yɔŋnun haa ni: Israɛlla, vanaa-solia-lasálàá, leviia, Netiniia-a a poaa buɛyaa Salomɔn-nda.

Nehemi 7:6

Mí vanaa bɔɔ-bɔɔ a fula o yungula Nebukanɛsar, masaa Babilɔn, ndóò bii o cɛlen nin-ndan nin, má muungu Yerusalɛm a o tàndá Yuda-o nin. Mí vana-vana muungu o kobi o fula-o nin.

Ɛsdras 7:23

Ɲɛ-ɲɛ Hala co o halataala-o dimi le tosaa, kon bɛnda mò tosan lende kpafii, yɔŋii o tuisi kɔltuw ndɔɔ o masale nilen a o polale nilen coo.

Ɛsdras 6:10

La yɔngu nda mun haliko ma solul Hala co o halataala-o sálàla cuɛima cun kɛndɛlan, mà piɛi Hala le yoomu masaa a le yoomu poaa ndɔa.

Ɛsdras 2:1

O yungula Nebukanɛsar masaa Babilɔn ndóò kɔɛ o biyɔɔ nin Babilɔn-nda nin, vanaa muungu Yerusalɛm a o tàndá Yuda-o nin yɔŋnun haa ni, mí vana-vana kɔ cal o kobi ndɔɔ nin.

Tɔŋ miingua 32:31

Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

Ɛsdras 5:7

Sɔɔn ndáà sɛva o sɛbɛ ndáà yoo ndu-o nin-ndon va mun ni aa: «Masaa Darius. Màá kɔlɲuloo peelanndo va le nɔm!

Ɛsdras 5:9

Mí n veelu simlacia va nda tɛɛn-nda, mí n ɲuna nda aa: ‹Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?›

Ɛsdras 6:4

Mà kɛsi powta sialaalan polan man yáá a pɛngɛn celulan sɛnɛiyon polalen lepilɛ. Vɔngu kon kpow fulanin o kesu lemasaa nin.