Ɛsdras 5:3 - BII BILA

³ O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

Ɛsdras 5:3 Referans Kwoze

Ɛsdras 6:6

«Lelan sisa, nɔm Tatnai co masa ibungaa o tàndá co o peo Efrate leeloo a ba paalen le del-lo coo-o, nɔm Setar-Bɔsnai a niaa caaŋaa ndaa co Afarsak o peo leeloo lon-nda, la soli sondolan o sɔɛi ken nin few-few.

Ɛsdras 6:13

O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.

Ɛsdras 5:9

Mí n veelu simlacia va nda tɛɛn-nda, mí n ɲuna nda aa: ‹Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?›

Ɛsdras 1:3

Lelan, vanaa co vanaa ndɔa o niaa tɛɛn-nda, a hèèlú Yerusalɛm, o tàndá Yuda-o nin le Cɛi-Mɛlɛka-o, o co Hala Israɛlla-o mingio tangullo lon. Hala nda co biiloo Yerusalɛm-ndo pɛɛn. Màá Mɛlɛka Hala ndaa va nda ikɛi!

Dɛnnda kiilaa 4:7

Má hun a Piɛr nda Nsaŋ nda o hɔl, má ɲuna nda aa: «A kpaaya kuɛɛ, te kon te o diola nɛ̀ɛ́-nɛ̀ niaa singi yɛ langbanɔ ho?»

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Ɛsdras 7:21

Niaa vanaa mandaa bolofaa co o tàndá co o peo Efrate leeloo a ba paalen le del-lo-a, ya masaa Artasɛrsɛs, i yɔngu tɔŋndo ho: la yɔngu ɲɛ Ɛsdras vana-solia-lasálàá a vana sɛvaa tɔŋ Hala co o halataala-o ɲunanin niaa-o kpede.

Ɛsdras 5:6

Má sɛva sɛbɔɔ, má yoo masaa Darius. Vanaa sɛva sɛbɛ kon-nda yɔŋnun haa ni: Tatnai va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa va Afarsak o peo leeloo lon-nda.

Ɛsdras 4:12

Masaa, n yeema mà va o sinaa nin maa Yuifia cɛn o nɔm ndo má tiiya naa tɛɛn Yerusalɛm-nda co kobi lanila kalu kon a kobi laasian kon mingio tangullo, a cii kpakila ndɔlan kila ma kandu lan cɔvɔɔ.

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Ɛsdras 4:9

«Rehum masa ibungaa, Simsai vana sɛvaa, a caaŋaa ndaa fula Din-nda, a fula Afarsatak-a, a fula Tarpɛl-la, a fula Afaras-a, a fula Erɛk-a, a fula Babilɔn-nda, a fula Suse-a, a fula Deha-a, a fula Elam-nda,