Ɛsdras 5:2 - BII BILA

² O kon, mí Sorobabɛl po Sealtiɛl-lo nda Yosue po Yosadak-o a mingi vallo kandɔɔ, má muungu vɛlɛ Cɛi-Hala-o tangullo Yerusalɛm. Vanaa-tɛɛngaa-diom Hala-a va nda ikɛi, a va nda malaa.

Ɛsdras 5:2 Referans Kwoze

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

2Korɛntea 1:24

N co niaa baŋɔɔ mì la laalan te, kani la co a simaa yili o laalanndo coo, kɛ n yeema mì n mala niaa o dɛnɛ kɛndɛ niaa nin.

Sakari 6:11

A tiiya pɛ lon, a bii nda volin humbon a sianin nda hin-ndon o ba, a cɔw mɔsil lemasaa a mun, a vow Yosue co bolle vanaa-solia-lasálàá-o mɔsil kon o lebol, Yosue po Yehosadak-o pɛɛn.

Ɛsdras 10:18

O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Aasee 2:18

La dɔw ɲɛ co hunɔɔ tosan o hau kɔɔli-o taasi, paangii ŋɔmahiɔɔlundɔɛi co hau malɔ bidiin a lehiɔɔlu, paalen nden Cɛi nuu kilan ni, Ya Mɛlɛka pɛɛn. La dɔw taasi ɲɛkɛndɛi.

Ɛsdras 1:8

Mí ndu Siris masa Pɛrsea viam Mitredat, ó va bolofaa mandaa-o, mó kɔ cua ɲɛm mun. Mɛɛ o cii mun cɔm, mó yɔngu Sɛsbasar va simlacinɔɔ Yuda-o mun.

Ɛsdras 3:8

Vɔsi diinndɔɔ o muungu vanaa va o biyɔɔ nin-nda muungu Yerusalɛm o Cɛi-Hala-o nin-ndo kɔɔli, o paangii diinndɔɛi nin o vɔsi kon nin, mí Sorobabɛl po Sealtiɛl-lo nda Yosue po Yosadak-o kandu baalaa nda puapilɛa ndaa vanaa-solia-lasálàá, leviia a vanaa fula o biyɔɔ nin má muungu Yerusalɛm-nda kpow latulu. Leviia, áà nɔ vɔsilan bidiin a ɲɛ lecoo-a, nda va vanáà bɛnda le simndan baala Cɛi-Mɛlɛka-o laci-a ni.

Sakari 4:4

Mí soaa vɛlɛ, mí ɲuna mɛlɛkanɔ va kon suukanndo a ya-o aa: ‹Maalii nuu, kɔlɔ yɛɛ nɛ dɛnndan ndan la co yɛ?›

Sakari 4:14

Mó dimul-la aa: ‹Vanaa ŋiɔŋaa sɔla pɔla diandaa ma va isisi Maalii nɔ lɛŋnden kpow-vo o hɔl le ndu baalaa tosallo-a ni.›»

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.