Ɛsdras 5:13 - BII BILA

¹³ Nduyɛ, o vɔsi tasoo nin o masale Siris masaa Babilɔn-nden bɛngu, mí ndu masaa Siris viam vannda le Cɛi-Hala-o ho mingio tangullo.

Ɛsdras 5:13 Referans Kwoze

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Yeremi 27:22

‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.