Ɛsdras 5:12 - BII BILA

¹² Kɛ mɛɛ fuɲaa naa imamaa tɛɛmbuu Hala co o halataala-o kɔllo, mí Hala mal nda kaldenɔɔ o ba, Nebukanɛsar masaa Babilɔn pɛɛn. Mí masa kon tɛɛmbuu Cɛi-Hala kon, mó bii nda, mó kɔa a nda o biyɔɔ nin Babilɔn.

Ɛsdras 5:12 Referans Kwoze

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

2Masaa 24:2

O kon mí Mɛlɛka viam kundala vanaa del vannda coo-a, má kɔ del Yehoyakim coo. Kundala Mɛlɛka vem lan-ndan la yɔŋnun ndan ni: Kaldea, Aramiia, Moabua a Amɔnnda. Ndáà kɔɛ le Yuda tɛɛmbuuo maa mɛɛ Mɛlɛka ndóò dimi sɔɛi ken a sondo vanaa ndɔa baalaa yɛ, vanaa-tɛɛngaa-diom Hala-a pɛɛn.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Condii lisai 106:40

Le hee, mí Mɛlɛka tambu kɔllo a vanaa ndɔa, mí kɛ́ ndɔɔ kuisin ndu.

2Masaa 25:1

O vɔsi Sedekia suili vɔsilan laŋɔmahiɔɔlu o masalen-ndo, o paale tɔ́ndɔlen coo o paangii diinndɔɛi nin, mí Nebukanɛsar masaa Babilɔn a vanaa ndɔa cɔwva kpow a hinul Yerusalɛm a cɔwvo, má kila dɔ́ɔ́ngɔ́ɔ̀ ciee-lekɔɔ, má yaŋ yaŋɔɔ cɔwvo o kobio balɔɔ sɔ́.

Masaa kialaa n'yamaa 6:1

Mí Israɛlla tosa vɛlɛ ɲɛ hɛnan Mɛlɛka loo, mí Mɛlɛka mal nda Madiannda o ba háá le vɔsilan tan ŋɔmmɛw.

Masaa kialaa n'yamaa 4:2

Mí Mɛlɛka mal nda Yabin o ba, masa Kanannɔ va icali Hatsɔr-o. Vana va vanaa ndɔa cɔwva bollen-ndo va Sisera ni, Harosɛt-Koyim calta ndɔlan la va ni.

Masaa kialaa n'yamaa 2:14

Mí Mɛlɛka tuulu kɔl a Israɛlla, mó mal nda vanaa del vannda coo-a o ba, má del nda coo, má poondiaa ɲɛm ndan, má pisi nda yaamɔaa ndaa balu nda-a o ba, a nɔla nda simullo le.

Tɔŋ miingua 32:30

Vɛɛ nɛ vanndo ndu pilɛ ndóò nɔla yɛ mì ndóò tow vannda vàá pilɛ? Vɛɛ nɛ vannda nda ŋiɔn ndáà nɔla yɛ mì ndáà tow vannda vaalan tɔ́, te pow kpova ndaa ndóò vɔngul nda le, te Mɛlɛka ndóò mel nda nda o ba le?

Tɔŋ miingua 31:17

Kɛ kɔl ni tuwvo toalnin nda coo paale len. I faŋannin nda ikɛi, mì vin nda hɔlaa niaa. A tambunin taw-taw, sangalan a dɛnnda palaala bɔɔ-bɔɔ la toalnin nda coo. A diminin telen kon maa a toɲa, le tùú ya Hala co lɛ nda tɛɛn too sangalan ndan kpow la tol nda coo ni.

Yeremi 52:12

Vɔsi Nebukanɛsar suili vɔsilan tɔ́ a laŋɔmahiɔɔlu-o, paangii ŋuɛɛnundɔɛi va malɔ tɔ́, mí Nebusaradan luɛi Yerusalɛm ciee. Ndu va bolle vanaa kandaa masaa Babilɔn ni, o va vana pilɛ o vanaa masaa Babilɔn ndóò laalan taw-va tɛɛn.

2Dɛnnda lemasalan 36:20

Mí Nebukanɛsar bii vanaa lo yoomu-a, mó kɔannun a nda Babilɔn. Mó kɔ siinguu nda cɛa ndɔa a cɛa poaa ndɔa, má lo o cɛle len nin háá telen masalen Pɛrse le sɔla yoomuan-ndo.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Yeremi 51:59

Seraya va po Neriya-o ni, po imama Maseya-o, mó kɔa Babilɔn nda Sedekia masaa Yuda o vɔsi hiɔɔlundɔ o va o masalen-ndo. Ndu Seraya kon va dɔ́ɔ́ngɔ́ɔ̀ kpow bollen ni.