Ɛsdras 5:11 - BII BILA

¹¹ Má mulul naa aa: ‹Vanaa baalaa Hala cɔw halataalaa a lɛŋnden-ndo-a naa n co ni, Cɛi-Hala cɔwnun sindɛ nin pá-pá-o naa n co mingio tangullo ni, ò masa bɛndoo pum Israɛl ndóò cɔw mí ndóò cii kpede-o.

Ɛsdras 5:11 Referans Kwoze

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

Matie 10:32

«Lelan vana-vana sɔlɔlan pɛ sɔɛi nii vannda o hɔl, ya bɛɛ i sɔlɔlannin sɔɛi ndɔɛi Fuɲa ni co o halataala-o o hɔl.

Yonas 1:9

Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Condii lisai 119:46

I diminin tɔŋnda nɔmnda lan masaa o hɔl, siɛmbula biinin ya le.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

1Masaa 6:38

O vɔsi tɔ́ a ò pilɛndɔɔ nin o paangii Bul nin, i co paangii ŋɔmaandɔɛi-ye, mí Cɛi-Mɛlɛka-o cuu tangul mɛɛ ndóò tuunun yɛ a mɛɛ ndóò bɛnda le tangulɔnndo yɛ kpede. O vɔsilan tan ŋɔmmɛw bɛngu o tangulun ni.

Ɛsdras 5:10

Mí n ɲuna diola vanpiaandua va nda bollen-nda, mí n sɛva lan le lan nɔm cɔmndo.

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

1Masaa 9:10

O vɔsilan bidiin bɛngu, mí Salomɔn tangul cɛila tiɔnndan ndan: Cɛi-Mɛlɛka-o a cɛi lemasaa.