Ɛsdras 5:1 - BII BILA

¹ Paale pilɛ, mí vana-tɛɛngaa-diom Hala-o Hasee nda vana-tɛɛngaa-diom Hala-o Sakari po imama Ido-o soaa o Yuifia va o tàndá Yuda-o nin-nda lo a o Yuifia va Yerusalɛm-nda lo o diola Hala Israɛlla, Hala va nda coo-o pɛɛn.

Ɛsdras 5:1 Referans Kwoze

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Ɛsdras 4:24

Kandɔɔ ɲinkon, baala tangulaa Cɛi-Hala kon tosan ndɛ le, mó lo lende háá o vɔsi diinndɔɔ nin o masale Darius masa Pɛrsea len bɛngu.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Aasee 2:18

La dɔw ɲɛ co hunɔɔ tosan o hau kɔɔli-o taasi, paangii ŋɔmahiɔɔlundɔɛi co hau malɔ bidiin a lehiɔɔlu, paalen nden Cɛi nuu kilan ni, Ya Mɛlɛka pɛɛn. La dɔw taasi ɲɛkɛndɛi.

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.

Aasee 1:3

O kon, mí sɔɛi Mɛlɛka-e tɛɛngulun nda a sondo Hasee va vana-tɛɛngaa-diom Hala-o-o aa: