Ɛsdras 4:9 - BII BILA

⁹ «Rehum masa ibungaa, Simsai vana sɛvaa, a caaŋaa ndaa fula Din-nda, a fula Afarsatak-a, a fula Tarpɛl-la, a fula Afaras-a, a fula Erɛk-a, a fula Babilɔn-nda, a fula Suse-a, a fula Deha-a, a fula Elam-nda,

Ɛsdras 4:9 Referans Kwoze

Ɛsdras 6:6

«Lelan sisa, nɔm Tatnai co masa ibungaa o tàndá co o peo Efrate leeloo a ba paalen le del-lo coo-o, nɔm Setar-Bɔsnai a niaa caaŋaa ndaa co Afarsak o peo leeloo lon-nda, la soli sondolan o sɔɛi ken nin few-few.

Ɛsdras 5:6

Má sɛva sɛbɔɔ, má yoo masaa Darius. Vanaa sɛva sɛbɛ kon-nda yɔŋnun haa ni: Tatnai va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa va Afarsak o peo leeloo lon-nda.

2Masaa 17:24

Mí masaa Asiri hun a vannda pum fulaa Babilɔn, Kuta, Ava, Hamat a Sefarvaim, mó kɛsi nda o fonda Israɛlla o kobila va o tàndá Samari-o nin-ndan nin. Mí vanaa kan hialu tàndá Samari-o, má cal o kobila va lon-ndan nin.

Dɛnnda kiilaa 2:9

Nduyɛ, Partea, Mɛdea a Elamnda a co naa tɛɛn. Vanaa pum a fula Mesopotami, Yuda, Kapadɔse, Pɔn, a o lɛŋnde Asii len nin,

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

Esekiɛl 32:24

Masa va Elam-ndo co ihini a vanaa ndɔa cɔwva a balaa sɛi ndɔɔ pindo. Nda kpede lɔwviaa nda lɔwviaa nda ni. Mɔɛi cɔwve cɛɛluu nda ni, nda vanaa dii haa toomaa le-a. Tofa vɔ mɛɛ nda tol o puuloo bɛngu lɛŋ di-di yɛ, nda va vannda siòònde lueiyo o lɛŋnde vanndacieea yoomaa coo ni. Siɛmbula ndalan la tol nda, nda vanaa co tolɔɔ o sɛilan nin-nda latulu.

Yeremi 49:34

Diom Mɛlɛka dimulun Yeremi vana-tɛɛngaa-diom Hala-o, le vannda Elam tɛɛngullo-o. Sedekia ndóò hel-lɔ ko sɛnɛi o masalen Yuda kínɛí.

Yeremi 25:25

masaa kɛ́-kɛ̀ co Simri, Elam a Mɛdea,

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

Ɛstɛr 2:3

Lelan, masaa bɛnda mò hɛli vanaa dɛnɛ sinaa, mà kɔɛ o kobila lebolta co o masale ndɔlen nin-ndan kpow nin, mà kɔ hɛli cuaambɔa laandua kɛndɛ-kɛndɛa sina vɔ dɛnɛ vanapɔnɔ le-a, mà hun luei nda o cɛi mandaa n'vanlaandoo nin o kobi lebol lemasaa Suse nin, mà kɛsi nda Heke va cɛi mandaa n'vanlaandoo hɔlten-ndo o ba bɛngu. Mì ndu va nda ɲɛm cɔɔlu vana naŋɔɔ-on yɔngoo.

Ɛstɛr 1:2

Telen ndu masaa Sɛrsɛs va icali o kpɛɛŋɛ ndɔ lemasaa coo o kobi lebol lemasaa Suse nin-ndo,

O Kandɔɔ 10:22

Poaa Sɛm-nda va haa ni: Elam, Asur, Arpaksad, Lud a Aram.

Ɛsdras 4:8

Mí Rehum, ó va masa ibungaa-o a Simsai, ó va vana sɛvaa-o a sɛval masaa Artasɛrsɛs sɛbɔɔ le Yerusalɛmnda lɔlɔɔ, má dimi o sɛbɛ kon nin aa:

Nehemi 4:2

Má cɛlan le hunɔɔ delɔɔ Yerusalɛm coo, le ndu tɛɛmbuuo.

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?