Ɛsdras 4:6 - BII BILA

⁶ O masale Sɛrsɛs len kandɔɔ, mí yaamɔaa kan sɛval ndu Sɛrsɛs sɛbɔɔ le vanaa va o tàndá Yuda-o nin-nda a vanaa va Yerusalɛm ciee-a lɔlɔɔ.

Ɛsdras 4:6 Referans Kwoze

Daniɛl 9:1

«O vɔsi tase Darius, po Sɛrsɛs fula Medii-o sul masaa o lɛŋnde Babilɔn-nden coo-o,

Ɛstɛr 1:1

O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Dɛnnda kiilaa 25:7

Telen nda hin a ndu-o, mí Yuifia fula Yerusalɛm-nda balu ndu, má hɛɛndu ndu sɔɔn vɔɔnndon coo, kɛ a nɔla mun cɔmndo a toɲa le.

Dɛnnda kiilaa 24:13

Nduyɛ, vannda háá tiwba mà cɔm toɲa kɛ́-kɛ̀ o sɔɔn nda co ya mun hɛɛnduuo coo sunsun-ndon nin te.

Matie 27:37

Má baŋ sɛvaa pum ndu o bollen coo, le cɔmndo kɔlɔ nda dii ndu-o aa: «Yeesu co hoo ni, masa Yuifia.»

Ɛsdras 4:5

Mí yaamɔaa kan luɛi vanaa silaa nin a volion, haliko mi ndáà simul nda, mì ndáà tɛɛmbuu nda vallo o ba. Má lo dɛnɛ kon tosaa kandɔɔ o paale Siris masaa Pɛrse len háá o paale Darius masaa Pɛrse len.

Ɛstɛr 1:10

Paale ŋɔmmɛwndɔlen o kafo kon coo, masaa va a ɲaaloo taw a mɔiyan o hɔl, mó viam vanpiaandua ŋɔmmɛvaa ndu masaa ndóò kɛsi kɔllo coo-a: Mehuman, Bista, Harbona, Bikta, Abakta, Setar a Karkas,

O Kandɔɔ 26:21

Mí buɛyaa ndɔa toaw soon kólaa celen, má sɛɛngian vɛlɛ o kon coo. Mí Isaak ke vɛlɛ kon diolan aa Sitna (kon co dimio ni aa «Simullo»).

Ɛstɛr 2:16

O vɔsi ŋɔmmɛwndɔɔ nin o masale Sɛrsɛs len bɛngu, o paangii tɔ́ndɔɛi nin, paangii Tebɛt-e pɛɛn, má kɔa a Ɛstɛr o cɛi lemasa ndu Sɛrsɛs-o nin.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Daniɛl 11:2

Nihau, i co nɔm toɲaa cɔm: Tofa vɔ! Masaa nda yáá cannin vɛlɛ mà tosa masalen o lɛŋnde Pɛrse len coo. O hiɔɔlundɔɔ sɔlanin bolofaa mò hiow a yáá-aa kan kpow. Lɔ́ɔ́ o sɔlanin yoomuan taw a bolofaa ndɔɔ-o, o nuwviaanin nɛilan le masaa Yavan cɔlɔbaa.