Ɛsdras 4:4 - BII BILA

⁴ O kon, mí vanaa va o lɛŋnde len nin-nda kandu Yudaa yoomuan solio a nda siòònde lueiyo, haliko mi ndáà mal tangullo.

Ɛsdras 4:4 Referans Kwoze

Ɛsdras 3:3

Má mingi fonda-loamaa-lasálàá cɔvɔɔ o fonda ndɔ paandoo coo. Siòònde va nda bɛɛ nuaa a vanaa va icali o lɛŋnde len nin-nda, kɛ má solul Mɛlɛka sálàla loamaalan, sálàla loamaala solin idii a icɔl-tan.

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

Nehemi 6:9

Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

Nehemi 4:11

Vanaa va kpakio cɔvɔɔ-a, a va volɔɔlan vilio-a a á va vannda volɔɔlan siloo-a, vana-vana va baalaa tosaa a baa ndu pilɛ, ɲɛ cɔwvo va ndu o baa pilɔɔ.

2Samiɛl 4:1

Lɔ́ɔ́ Is-Bosɛt, po Saul-lo tuei maa Abnɛr sɔla piɔ́mndo Hebrɔn-ndo, mí yoomuan ma fula ndu few, mí siòònde bii Israɛlla kpow.

Ɛsdras 4:5

Mí yaamɔaa kan luɛi vanaa silaa nin a volion, haliko mi ndáà simul nda, mì ndáà tɛɛmbuu nda vallo o ba. Má lo dɛnɛ kon tosaa kandɔɔ o paale Siris masaa Pɛrse len háá o paale Darius masaa Pɛrse len.

Nehemi 4:2

Má cɛlan le hunɔɔ delɔɔ Yerusalɛm coo, le ndu tɛɛmbuuo.

Daniɛl 10:13

Mɛlɛkanɔ kandà lɛŋnde Pɛrse len-ndo simul-la o palɛi bidiin a lepilɛ bɛngu, kɛ mí Misɛl, o co simlacinɔ pilɛ o mɛlɛkaa tɛɛn-ndo, hun mala ya. Mí lo lon masaa Pɛrse ikɛi.

Daniɛl 10:20

O kon, mó ɲuna ya aa: ‹A sina le kɔlɔ ya hin o nɔm ndo o? I co muungu le mɛlɛkanɔ co lɛŋnde Pɛrse len kandaa-o cɔlɔba. I cii pɛ a ndu, mɛlɛkanɔ co lɛŋnde Yavan-nden kandaa-o co vɛlɛ hunɔɔ.