Ɛsdras 4:2 - BII BILA

² mí yaamɔaa kan hun o Sorobabɛl-lo a o vanaa va bolii lapangɛi-ya lo, má dimul nda aa: «N yeema mi n mala niaa Cɛi-Hala-o ho mingi tangul, kani Hala pilɛ kon koni naa n co biiloo naa niaa ni, o co lɛ hau le naa n co ndu sálàlan solullo le, kabi o paale Asarhadɔn masaa Asiri len, o cuu naa nanu-o.»

Ɛsdras 4:2 Referans Kwoze

2Masaa 19:37

Paale pilɛ niko, o va o máán ndɔɔ nin, o va Nisrɔk hala ndɔɔ sooloo, mí poaa ndɔa ŋiɔnda, Adramelɛk nda Sarɛsɛr a kɔ dii ndu a mɔɛi cɔwve, má sɔndan, má kɔannun o lɛŋnde Ararat len nin. Mí Esar-Hadɔn po ndɔ koma sul masaa o fonda ndɔɔ.

2Masaa 17:24

Mí masaa Asiri hun a vannda pum fulaa Babilɔn, Kuta, Ava, Hamat a Sefarvaim, mó kɛsi nda o fonda Israɛlla o kobila va o tàndá Samari-o nin-ndan nin. Mí vanaa kan hialu tàndá Samari-o, má cal o kobila va lon-ndan nin.

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Condii lisai 73:8

À co vannda mamɔɔ, à co sɔɔn kɔlvesɛiyon dimio, à co sɔɛi vannda coo a yongaa le nda saangiaa.

Ɛsdras 3:12

O vanaa-solia-lasálàá tɛɛn, o leviia tɛɛn a o vanaa va bolii lapangɛi-ya tɛɛn, mí vanáà nɔ nin vɔsilan taw-va, áà ce cɛi biilaa tase Hala-o-a va caŋndo fúkpàà-fùkpàà le telen nda va Cɛi-Hala diinndɔ kon kilaa nda o hɔl-lo. Telen nda va kon caŋndo-o, vanaa tɔ̀a taw nda va yondiaalan a kɔlkɛndɛ bɛndu-bɛndoo a kponyoo.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

Ɛsdras 1:5

O kon mí vanaa va bolii lapangɛi o polale Yuda len a o polale Bɛnyamɛn-nden coo-a, vanaa-solia-lasálàá, leviia a vanaa Hala tosa ɲɛ pum o lakɔl-la bɛɛndian le kɔlan Cɛi-Hala co Yerusalɛm-ndo.

2Masaa 17:41

Mí vanaa-mangalaa-isɔaa kan a va Mɛlɛka biiloo a piɔmaa ndaa sooloo. Háá paalen nden, ɲɛ pilɛ fuɲaa ndaa va tosaa-o koni poaa ndaa a poaa ndaa imamaa co vɔ tosaa ni.

O Kandɔɔ 10:11

Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Esai 37:38

Paale pum, mɛɛ o luɛi o cɛi maan hala ndɔɔ Nisrɔk nin, mí poaa ndɔa Adramelɛk nda Sarɛsɛr lɔwviaa ndu a mɔɛi cɔwve, má dii ndu, má sɔndan, má kɔannun o lɛŋnde Ararat len nin. O kon kɔɔli, mí Esar-Hadɔn po ndɔ koma sul masaa o fonda ndɔɔ.