Ɛsdras 4:17 - BII BILA

¹⁷ Mí masaa mulul nda aa: «Le Rehum masa ibungaa, le Simsai vana sɛvaa a le caaŋaa niaa tɔ̀a kpow, á co icali Samari-a a á co icali o lɛŋii co Efrate leeloo a ba paalen le del-lo-e nin-nda kpow. I yil niaa kpede.

Ɛsdras 4:17 Referans Kwoze

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Dɛnnda kiilaa 23:26

«Ya Klode Lisia co sɛbɔɔ ho sɛvaa ni. I yil vana bɛndoo Felisi, o co masa-ibungaa-o.

Luke 10:5

Cɛi niaa luɛi pɛ, la dimi fɔlɔn aa: ‹Màá kɔlɲuloo va cɛinin nanu!›

Ɛsdras 7:12

«Ya Artasɛrsɛs, masa hiow masaa-o sɛval nɔm Ɛsdras vana-solia-lasálàá a vana sɛvaa sina tɔŋ Hala co o halataala-o-o sɛbɔɔ ho ni.

Ɛsdras 5:7

Sɔɔn ndáà sɛva o sɛbɛ ndáà yoo ndu-o nin-ndon va mun ni aa: «Masaa Darius. Màá kɔlɲuloo peelanndo va le nɔm!

Ɛsdras 4:7

O masale Artasɛrsɛs len bɛngu bɛɛ, mí Bislam, Mitredat, Tabeɛl a caaŋaa ndaa tɔ̀a sɛval Sɛrsɛs masa Pɛrsea sɛbɔɔ. O aramei nin a o sɛva Aramiia nin ndáà sɛva ndu ni.

Ɛsdras 4:16

Lelan naa n co nɔm masaa dimullo ni maa taa cɛl pɛ mì kobi kon muungu tangulɔn, mì kpaki ndɔɔ bɛɛndian, mɛɛ sina niko maa o lo cɔɔlu cobe, vanaa kan o peo Efrate leeloo a ba paalen le del-lo a ve lɛnin sumialii nɔm te.»

Ɛsdras 4:18

Sɛbɛ niaa sɛva mí la yɔŋ naa-o tiiya, mɛɛ nda cii ndu hivi (o sɔɛi nii mangalɛi nin), má dimul-la lavàà lenin mɛɛ o sɛvan yɛ kpafii.

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.