Ɛsdras 4:15 - BII BILA

¹⁵ haliko mi vana yaasiaa o sɛbɛla pandula vanaa tosa masalen nɔm laci-a nin. Nɔm pila saalunnin o sɛbɛla masindɛla lan nin, mà bii bila maa kabi sindɛ háá hau, kobi bolle kalaa kobi kon co ni. O co masaa a tàndàla o co nin-ndan cunulɔnndo kabi sindɛ. Vanaa co icali lenin-nda co pɛngi masaa simullo le. Le kɔlɔ kon kobi kalaa piɔl nuaa ni.

Ɛsdras 4:15 Referans Kwoze

Ɛsdras 4:12

Masaa, n yeema mà va o sinaa nin maa Yuifia cɛn o nɔm ndo má tiiya naa tɛɛn Yerusalɛm-nda co kobi lanila kalu kon a kobi laasian kon mingio tangullo, a cii kpakila ndɔlan kila ma kandu lan cɔvɔɔ.

Nehemi 6:6

O va o sɛvaa o sɛbɛ kon nin aa: ‹O co diminndo vanaa-mangalaa-isɔaa tɔ̀a tɛɛn, Kasɛm bɛɛ peelu sɔɛi ken, maa nɔm pila a Yuifia tɔ̀a, la co bɛɛndianndo le luɛyɔɔ o seesiɛi, maa lelan nɔm co kpakio mingio tangullo ni, kani nɔm yeema ni ma siŋnun masa ndaa, lende nda co dimio ni.

Nehemi 2:19

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o a Kesɛm Arabunɔ a tuei sɔɔn mún-ndo, má mam naa, má pɛɛsa vɛlɛ naa. Má dimi aa: ‹Yɛɛ niaa co yɛ kon tosaa? Masaa niaa yeema simullo ni?›

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

2Masaa 24:20

Dɛnnda lan kpow la tosalan Yerusalɛmnda a Yudaa le tùú Mɛlɛka ndóò tuulu kɔl a nda-o. Lelan o tow nda levil polon ni. Kɛ mí Sedekia bɛɛ simul masaa Babilɔn.

Ɛsdras 4:14

Lelan, le tùú naa n co tɔnɔ lemasaa dioo-o, n nɔla mì n lo tofaa mì vana tɛɛndan nɔm masaa le. Le kɔlɔ kon naa n co nɔm sɔɔn mun cɔmndo ni,

Ɛsdras 4:16

Lelan naa n co nɔm masaa dimullo ni maa taa cɛl pɛ mì kobi kon muungu tangulɔn, mì kpaki ndɔɔ bɛɛndian, mɛɛ sina niko maa o lo cɔɔlu cobe, vanaa kan o peo Efrate leeloo a ba paalen le del-lo a ve lɛnin sumialii nɔm te.»

Ɛstɛr 2:23

Mí masaa yaasiaa dɛnɛ kon, mó saalun maa toɲaa o va ni. Má landu vanaa ŋiɔŋaa kan o yɔmndo. Mí dɛnɛ kon sɛvan o sɛbɛ dɛnnda lemasalan nin masaa Sɛrsɛs pila o hɔl.