Ɛsdras 4:12 - BII BILA

¹² Masaa, n yeema mà va o sinaa nin maa Yuifia cɛn o nɔm ndo má tiiya naa tɛɛn Yerusalɛm-nda co kobi lanila kalu kon a kobi laasian kon mingio tangullo, a cii kpakila ndɔlan kila ma kandu lan cɔvɔɔ.

Ɛsdras 4:12 Referans Kwoze

Ɛsdras 5:9

Mí n veelu simlacia va nda tɛɛn-nda, mí n ɲuna nda aa: ‹Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?›

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

1Tesalonikea 5:22

La mandán le dɛnnda vɔɔnndan kpow.

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Yeremi 52:3

Mí dɛnnda va tosanndo Yerusalɛm a o masale Yuda len nin-ndan la tɛɛmbuu Mɛlɛka kɔllo. O mɛɛlulan, mó toaw vanaa ndɔa polon. Mí Sedekia simul Nebukanɛsar masaa Babilɔn.

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Ɛsdras 4:19

Mí viam vannda le yaasiaa o sɛbɛla paandulan nin, má saalun lekɛ́ndɛi maa kabi masindɛ kobi kon bii sɔɛi masaa le, maa sɔngɔlan a seesiɛi vanaa co lon-nda tosa lɔ́ɔ́-lɔ́ɔ̀ ni.

Ɛsdras 4:15

haliko mi vana yaasiaa o sɛbɛla pandula vanaa tosa masalen nɔm laci-a nin. Nɔm pila saalunnin o sɛbɛla masindɛla lan nin, mà bii bila maa kabi sindɛ háá hau, kobi bolle kalaa kobi kon co ni. O co masaa a tàndàla o co nin-ndan cunulɔnndo kabi sindɛ. Vanaa co icali lenin-nda co pɛngi masaa simullo le. Le kɔlɔ kon kobi kalaa piɔl nuaa ni.

2Masaa 24:1

Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

2Masaa 18:20

Kani a soo sɔɔn fondon, ma dimi aa: le cɔwvo tosaa, fɔ taasio a kpaayaa. Nɛ̀ɛ́-nɛ̀ n tiindan yɛ niko kpeekpei le ya simullo?

Ɛsdras 4:11

Sɔɔn sɛvan o sɛbɛ kon nin-ndon va mun ni aa: «Masaa Artasɛrsɛs, buɛyaa nɔmaa co o tàndá co o pee bɛndoo Efrate leeloo a ba paalen le del-lo-a co sɔɛi nuaa ni.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Nehemi 6:6

O va o sɛvaa o sɛbɛ kon nin aa: ‹O co diminndo vanaa-mangalaa-isɔaa tɔ̀a tɛɛn, Kasɛm bɛɛ peelu sɔɛi ken, maa nɔm pila a Yuifia tɔ̀a, la co bɛɛndianndo le luɛyɔɔ o seesiɛi, maa lelan nɔm co kpakio mingio tangullo ni, kani nɔm yeema ni ma siŋnun masa ndaa, lende nda co dimio ni.