Ɛsdras 3:6 - BII BILA

⁶ Paangii ŋɔmmɛwndɔɛi ken cɔmndo dɔ́ɔ́, o paale taselen coo, má kandu Mɛlɛka sálàla loamaalan solullo, telen kon ndáà kendu vɔ Cɛi-Mɛlɛka-o kilaa le.

Ɛsdras 3:6 Referans Kwoze

Ɛsdras 3:5

Kon cuvɔɔ, má soli sálà loamaa solin lepalaa-lepala-o, má soli sálàla paangun sɛnɛilan a sálàla kafola co le Mɛlɛka lan, handɔɔ niko o ɲɛm vana-vana va yɔngoo a yeemɛi ndɔɛi le Mɛlɛka-on coo.

Ɛsdras 3:7

Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Tɔŋ lasálàá 23:25

La tósà ɲinkon baala niaa tosà paandu-o le, kɛ mì la solul-la sálàlan, mì la lom ndan o yin.›»

Kundalan 29:1

«O paale taselen coo o paangii ŋɔmmɛwndɔɛi nin, la bɛnda mì la cuungian le kaannden tosaa. Ɲinkon, la bɛnda mì la tosa vali niaa tosà paandu-o le. La bɛnda mì la hɔŋ bululan taw-taw paale len.

Kundalan 29:2

Mì la soli sálà loamaa, o ya tuɛi cun mì ɲɔɔ hɛnan ya-o a naw tova téndóó pilɛ, saa kóndóó pilɛ a saa téndéa nɔ vɔsio pilɛ-a nda ŋɔmmɛw. Cɔlua kan kpow a bɛnda mà nɔ lenamta le.