Ɛsdras 3:5 - BII BILA

⁵ Kon cuvɔɔ, má soli sálà loamaa solin lepalaa-lepala-o, má soli sálàla paangun sɛnɛilan a sálàla kafola co le Mɛlɛka lan, handɔɔ niko o ɲɛm vana-vana va yɔngoo a yeemɛi ndɔɛi le Mɛlɛka-on coo.

Ɛsdras 3:5 Referans Kwoze

Kundalan 29:39

Sálàla niaa bɛnda le ya Mɛlɛka solullo o telen kafola niaalan-ndan la co lán ni. Lan niaa vanin ya solullo o sálàla niaa kelu o kɔlta niaalan nin-ndan, o sálàla niaa soli le yoolen timbio lan, o sálàla niaala loamaalan, o sálàla niaala kpeyanndan, o sálàla niaala mamɔilan a o sálàla niaala kɔlɲululan kɔɔli ni.»

Tɔŋ miingua 12:17

Kɛ nduyɛ, la bɛnda mì la de o-tɔ́ndɔ niaa vanin solio o malun niaa nin, o mɔima niaama sɛnɛiyan nin a o cuɛima niaan nin-ndo o kobila niaalan nin te. Ɲɛm niaa bɛnda vɛlɛ mi la de o kobila niaalan nin te-on co mun ni: cɔlua piaandua tasea cɔlua niaa vanin komɔɔ-a, ɲɛm niaa baanin yoolen o Mɛlɛka lo le ndu mun yɔngoo-on, ɲɛm niaa tuunin le yɔngoo a yeemɛi-yon a ɲɛm niaa vanin faŋaa o kɔmnde valta niaalan coo le Mɛlɛka yɔngoo-on.

Tɔŋ miingua 12:6

O fonda kon niaa vanin kɔlan a sálàla loamaala niaalan a á sálàla niaalan tɔ̀lan kpow ni. Lon niaa vanin kɔlan a o-tɔ́ndɔla niaalan a á cuungiaala niaala niaa vanin solio o valta niaalan nin-ndan ni. Lon koni niaa vanin kɔlan a ɲɛm niaa baa yoolen o Mɛlɛka-on le yoole len timbio ni, lon niaa vanin vɛlɛ ɲɛm niaa vanin yɔngoo a yeemɛi niɛi-yon a cɔlua piaandua tasea cɔlua niaa vanin komɔɔ-a kpow yɔɔ ni.

Kundalan 29:13

La bɛnda mì la bii navaa tovaa téndéa tɔ́ a à yaa, saa kóndóa nda ŋiɔn a saa téndéa nɔ vɔsio pilɛ-a tɔ́ a à hiɔɔlu, mì la soli sálà loamaa a nda, sálà ya Mɛlɛka tuɛi cun mì ɲɔɔ hɛnan ya-o. Cɔlua kan kpede a bɛnda mà nɔ lenamta le.

Kundalan 29:8

Mì la solul-la sálà loamaa, o ya tuɛi cun mì ɲɔɔ hɛnan ya-o: naw tova téndóó pilɛ, saa kóndóó pilɛ a saa téndéa nɔ vɔsio pilɛ-a nda ŋɔmmɛw. Cɔlua kan kpow a bɛnda mà nɔ lenamta le.

Kundalan 29:2

Mì la soli sálà loamaa, o ya tuɛi cun mì ɲɔɔ hɛnan ya-o a naw tova téndóó pilɛ, saa kóndóó pilɛ a saa téndéa nɔ vɔsio pilɛ-a nda ŋɔmmɛw. Cɔlua kan kpow a bɛnda mà nɔ lenamta le.

Kundalan 28:27

Mì la soli sálà loamaa, o ŋɔa o yin mì tuɛi ndu cun, mì ɲɔɔ hɛnan ya-o: navaa tovaa téndéa nda ŋiɔn, saa kóndóó pilɛ a saa téndéa nɔ vɔsio pilɛ-a nda ŋɔmmɛw.

Kundalan 28:19

Mì la solul Mɛlɛka sálà loamaa, o ŋɔa o yin-ndo a navaa tovaa nda ŋiɔn, saa kóndóó o pilɛ a saa téndéa nɔ vɔsio pilɛ-a nda ŋɔmmɛw, cɔlua kan kpow a bɛnda mà nɔ lenamta le.

Kundalan 28:14

Sálàla mamɔila bɛnda mì la fula a cɔlua kan latulu lan la co lan ni: mɔiyan litililan layàá le naw tovaa o pilɛ, latiɔn le saa kóndóó o pilɛ, o pilɛ a tálá le saa téndé nɔ vɔsio pilɛ-o. Sálà kandaa ipaangoo co kon ni. O vɔsio kpow nin, sálà kon niaa bɛnda ni mi la va solio o ipaangu oo ipaangu kandɔɔ.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Ɛsdras 3:6

Paangii ŋɔmmɛwndɔɛi ken cɔmndo dɔ́ɔ́, o paale taselen coo, má kandu Mɛlɛka sálàla loamaalan solullo, telen kon ndáà kendu vɔ Cɛi-Mɛlɛka-o kilaa le.

Yeremi 33:18

Leviaa-solia-lasálàá vanin vɛlɛ le ya sálàla loamaalan solullo lɔ́ɔ́-lɔ́ɔ̀, le ya cuɛima cun kɛnɛan lumndo a le ya sálàla bɛɛndiaa isɔɔlan solullo lepalaa-lepala.

Tɔŋ lasálàá 1:2

«Soo o Israɛlla lo, ma dimul nda aa ‹O niaa tɛɛn, te vanndo va pɛ Mɛlɛka sálàá solullo, o soli cɔlu ndɔ sálàá o cɔlua pɔmbɔa nin, te kon te o cɔlua bɛndua nin.

Tɔŋ lasálàá 23:2

«Soo o Israɛlla lo ma dimul nda aa: ‹O palɛi diandɛi pum coo, la bɛnda mì la cuungiaa Israɛlla kpow nɛɛ pilɛ, mà tosa duɲɛi bɛnduei le ya Mɛlɛka biiloo. Duɲan bɛndun mun co mun ni:

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.

Nehemi 10:34

Volin mun vanin le bulula sálàla nda kɛ̀sì Mɛlɛka o hɔl-tan piondɔɔ, le sálàla loamaalan a le ɲɛm-kéan latɔlɔn yɔngun lepalaa-lepala-on, le sálàla vana soli o paale pɛngiaalen coo lan a le sálàla paangun sɛnɛilan, le sálàla solin o palɛi celeŋii kafoei coo lan, le ɲɛm-kéan celeŋun co le Hala-on a le sálàla Israɛlla yɔngu le hakio sɔlaa malɔɔ lan. Volin mun n vanin vɛlɛ le baalala bɛɛndiaa Cɛi-Hala lan.