Ɛsdras 3:13 - BII BILA

¹³ Mí ɲɔɔ bingulan kpɔ́lɔ-kpɔ̀lɔ, vanáà sina lɛ pɛɛngulan diomnda kɔlkɛndɛlan a diomnda caŋndan tɛɛn te. Vannda va deŋio taw-taw, vanáà lo nɛɛ levil mí vanáà tuei ivóólun-vóólunnde.

Ɛsdras 3:13 Referans Kwoze

1Samiɛl 4:5

Mɛɛ kesu kpema Mɛlɛka-o tiiyaa dɔ́ɔ́ o dɔ́ɔ́ngɔ́ɔ̀ nin, mí vanaa cɔvaa Israɛlla saan deŋio kpélén háá mí lɛŋnden le ɲiiya.

Sakari 4:7

‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Condii lisai 5:11

Òó Hala! Yaala nda, mì tuula ndalan la tɛɛmbuu nda pila. Kɛɛ nda le hakila ndala cuu cɔm te lan, kani a ciŋilan nɔm.

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

1Masaa 1:45

Sadɔk vana-solia-lasálàá nda Natan vana-tɛɛngaa-diom Hala-o kɔ pɔla ndu Kihon le ndu siinguuo masaa ni. Lon nda cɛn nin ni má hel ciee a ɲaaloo, mí vɔkɔ-vɔkɔ kon kɔ tiw ciee kpede. Kponyo kon niaa tuei tueyɔɔ kon nuaa ni.

1Masaa 1:40

Mí vannda kpow a va kɔlan ndu kɔɔli, má va sɛ̀ŋndan hɔŋndo. A lo kponyoo tei mí lɛŋnden le va piɔsio o fonda kon.

Masaa kialaa n'yamaa 2:5

Má ke fonda kon diolan aa Bokim (kon co dimio ni aa «Vanaa co caŋndo-a»). Má solul Mɛlɛka sálàlan o fonda kon.

Ɛsdras 3:12

O vanaa-solia-lasálàá tɛɛn, o leviia tɛɛn a o vanaa va bolii lapangɛi-ya tɛɛn, mí vanáà nɔ nin vɔsilan taw-va, áà ce cɛi biilaa tase Hala-o-a va caŋndo fúkpàà-fùkpàà le telen nda va Cɛi-Hala diinndɔ kon kilaa nda o hɔl-lo. Telen nda va kon caŋndo-o, vanaa tɔ̀a taw nda va yondiaalan a kɔlkɛndɛ bɛndu-bɛndoo a kponyoo.

Ɛsdras 4:1

Mɛɛ yaamɔaa yungu Yuda-o a yungu Bɛnyamɛn-ndo a tuei maa vanaa fula o biyɔɔ nin-nda co Cɛi-Hala-o mingio tangullo le Mɛlɛka, o co Hala Israɛlla-o,

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.