Ɛsdras 3:12 - BII BILA

¹² O vanaa-solia-lasálàá tɛɛn, o leviia tɛɛn a o vanaa va bolii lapangɛi-ya tɛɛn, mí vanáà nɔ nin vɔsilan taw-va, áà ce cɛi biilaa tase Hala-o-a va caŋndo fúkpàà-fùkpàà le telen nda va Cɛi-Hala diinndɔ kon kilaa nda o hɔl-lo. Telen nda va kon caŋndo-o, vanaa tɔ̀a taw nda va yondiaalan a kɔlkɛndɛ bɛndu-bɛndoo a kponyoo.

Ɛsdras 3:12 Referans Kwoze

Aasee 2:3

‹O niaa tɛɛn, vana pum co vɔ pá o ce mɛɛ Cɛiyo ho ndóò naŋ o tasendɔ yɛ-o? Vɛ̀ɛ̀ niaa co yɛ ndu nihau cɔu? Vɛ̀ɛ̀ la ce maa naŋɔɔ kon siŋnun ɲɛ fondoo le?

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

Esai 60:22

O pɔmbɔ-pɔmbɔɔ kuinin háá mo tiiya vaa-pilɛ, o hiow dɔɔnanndo-o siŋnunnin vanaa-mangalaa-isɔaa kpaayaa. Ya Mɛlɛka, i tosanin dɛnnda lan cɔ́-cɔ́ a telennda ndalan.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Condii lisai 126:6

Vana-vana co pɛ kɔlan a yɛiyo o lebol a caŋndo, ndu muungunin a kɔlkɛndɔɔ a tumbulan o lebol.

SƐBƐ YƆB-O 8:7

Ɲɛ n sɔlanin siɔdii laci-o hiawnin polon a o nɔm óò sɔla paandu-o.

Ɛsdras 3:13

Mí ɲɔɔ bingulan kpɔ́lɔ-kpɔ̀lɔ, vanáà sina lɛ pɛɛngulan diomnda kɔlkɛndɛlan a diomnda caŋndan tɛɛn te. Vannda va deŋio taw-taw, vanáà lo nɛɛ levil mí vanáà tuei ivóólun-vóólunnde.

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Condii lisai 147:1

Biiloo co le Mɛlɛka. O naŋ bɔɔ mì vana lisa Hala naa o condon nin, o bɛnda bɔɔ mì vana lisa ndu ɲɛkɛndɛi.