Ɛsdras 3:11 - BII BILA

¹¹ Má soli condun lisan a condun malaa balikan o polalen a pilɛn-pilɛnnda le Mɛlɛka biiloo, má va dimio o condei nin aa: «Mɛlɛka naŋ bɔɔ! Vanakɛndɛyɛi ndɔɛi, i co le Israɛl le fɛɛn a fɛɛn!» O kon mí vannda kpow deŋi coocoo kpélén le Mɛlɛka lisaa le tùú nda va Cɛi biilaa ndɔɔ kilaa-o.

Ɛsdras 3:11 Referans Kwoze

1Dɛnnda lemasalan 16:34

La biilu Mɛlɛka, kani o naŋ, ɲíí ndɔɛi co le fɛɛn a fɛɛn.

Condii lisai 106:1

La lisa Mɛlɛka! La lisa ndu, kani o naŋ, kaola ndɔɔ nɔ lamɛɛlu le!

Condii lisai 107:1

La lisa Mɛlɛka, kani o naŋ, kaola ndɔɔ nɔ lamɛɛlu le.

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Condii lisai 135:3

La lisa Mɛlɛka, kani o naŋ, la sangala ndu o condon nin, kani o nɔ kɛndɛi.

Condii lisai 118:1

La lisa Mɛlɛka, kani o naŋ, kaola ndɔɔ nɔ lamɛɛlu le.

2Dɛnnda lemasalan 7:3

Mí Israɛlaa va lon-nda kpow a ca yinnden a biilu Mɛlɛka-o tolɔɔ o Cɛi-Hala-o coo, má baŋ vulan lɛŋ o fonda nda yikpa a lasoo-o coo, má tundun lɛŋ, má biilu Mɛlɛka, má dimi aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.»

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Nehemi 12:24

Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Fulaa 15:21

Mí Miriam cua condei aa: «La lisa Mɛlɛka o condei nin, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.»

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Condii lisai 47:1

Condii poaa Kore-a, í fula o condun simlacinɔ vanaa n'condua nin-nde.

1Dɛnnda lemasalan 16:41

Vanaa va nda ikɛi-ya va Heman nda Yedutun a vanaa celen, a ndáà hɛli má veelu nda diolan le Mɛlɛka biiloo-a ni. Kani ɲíí ndɔɛi co le lɔ́ɔ́-lɔ́ɔ̀.

Nehemi 12:40

Mí kundala tiɔnnda lan la sim o Cɛi-Hala-o nin. Mí ya bɛɛ sim a vanaa kialaa n'yamaa va ya ikɛi-ya.

Condii lisai 47:5

Mó hɛlul naa kɛ́ɔ, naa yungu Yakɔb o kaola-o-a.

Yosue 6:5

Lɔ́ɔ́ nda hɔŋnin buloo, mí la tuei bulu kon diom taw-taw-vo, vannda kpow a yonda yonda cɔwvo. O telen kon, kpaki kobio tɛɛndiaanin, mò del. O kon, vana-vana kɔɛ ndu pila o hɔl sanaa le cɔwvo.»

Yosue 6:16

O bɛmbɛ ŋɔmmɛwndɔɔ, mí vanaa-solia-lasálàá hɔŋ bululan, mí Yosue dimul vannda aa: «La yonda le cɔwvo, kani Mɛlɛka cii kobio ho malɔɔ niaa o ba.

Yosue 6:10

Kɛ mí Yosue dimul vannda aa: «Vana-vana yonda yonda cɔw le, vana-vana heelu diom te, vana-vana solin isɔɔ-sɔɔ o sondo le. Paale ya dimulnin niaa le yonda cɔwvo len, la yonda ɲinkon kpélén le cɔwvo.»

2Dɛnnda lemasalan 5:13

O kon mí nda kpow a cuungian nɛɛ pilɛ le Mɛlɛka biiloo a le ndu sangalaa. Tuma nda va condei a bululan hɔŋndo, kɛ́ŋndon a ɲɛm-caan celenndon lɔɔ-o, má va dimio aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.» O telen kon, mí Cɛi-Hala-o pia cá a kumnde.

Condii lisai 100:5

Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.

Condii lisai 131:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Yiyan yonga co ya o kɔl te Mɛlɛka, i nɔ hɔlaa heelaa le. Hɔlte ɲɛ-sɔlaa bɛndu co ya le. I nɔ mako a dɛnnda bɛndula ya tiwba tosaa lan te, i nɔ vɛlɛ mako a la hiow ya ba lan te.

Sakari 4:7

‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

Aasee 2:3

‹O niaa tɛɛn, vana pum co vɔ pá o ce mɛɛ Cɛiyo ho ndóò naŋ o tasendɔ yɛ-o? Vɛ̀ɛ̀ niaa co yɛ ndu nihau cɔu? Vɛ̀ɛ̀ la ce maa naŋɔɔ kon siŋnun ɲɛ fondoo le?