Ɛsdras 3:10 - BII BILA

¹⁰ Mɛɛ vanaa cɔavaa lacɛiya kila Cɛi-Mɛlɛka-o, má simi vanaa-solia-lasálàá lon, domala solia lasálàlan la va nda lekɔɔ, bulula hɔŋaalan la va nda o laba. Leviia nda nda, poaa Asaf-a, ndáà nɔ kɛ́ŋun comulan o laba ni le Mɛlɛka biiloo maa mɛɛ David masa Israɛlla sɛva yɛ.

Ɛsdras 3:10 Referans Kwoze

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

2Dɛnnda lemasalan 35:15

Vanaa solia n'condua, poaa Asaf-a va o fondala ndalan maa mɛɛ David, Asaf, Heman a Yedutun va vana silaa masaa-o ndáà dimi yɛ. Kpalilaa cumulaa ladioa bɛɛ a va o dio oo dio. Vana-vana faŋan o fonda ndɔɔ le, kani puapilɛa ndaa, leviia va yawvo le nda.

1Dɛnnda lemasalan 23:5

vannda vàálan tan hiɔɔlu (4 000) le diola luɛyaalan cumullo, vannda vàálan tan hiɔɔlu (4 000) vɛlɛ le Mɛlɛka biiloo a ɲɛm-caan ndáà cɔw le ndu sangalaa-on.

1Dɛnnda lemasalan 16:42

Mí Heman nda Yedutun a vanaa va nda ikɛi-ya va bululan hɔŋndo, kɛ́ŋndon a ɲɛm-caan celen lɔɔ, le condun Mɛlɛka-on solio. Poaa Yedutun-nda va kpalilaa cumulaa ladioa ni.

1Dɛnnda lemasalan 16:37

O kon kɔɔli, mí David mɛi Asaf nda puapilɛa ndɔa o kesu kpema Mɛlɛka-o ikɛi lon, haliko mi ndáà hiow laci a falenndon tosaa mɛɛ ndóò bɛnda le tosanndo lepalaa-lepala yɛ.

1Dɛnnda lemasalan 15:27

Domala bɛndula toosian a yiiŋii saa lan la va David nda leviaa va kesu kpemaa cuaa-a lekɔɔ, lan koni la va vɛlɛ vanaa solia n'condua a Kenania va simlacinɔ vanaa cuaa kesua-o lekɔɔ ni. Doma ifalen solia lasálàá va David lekɔɔ.

1Dɛnnda lemasalan 15:24

Vanaa-solia-lasálàá va le bululan hɔŋndo kesu Hala-o laci-a va Sabania, Yosafat, Netaneɛl, Amasai, Sakari, Benaya a Eliesɛr ni. Obɛd-Edɔm nda Yehiya bɛɛ, kpalilaa cumulaa ladioa va simndan kesoo ikɛi kpɛɛlun-nda nda va ni.

1Samiɛl 22:18

Le hee, mí masaa dimul Doɛk Edɔmnɔ aa: «Poo sei, cɔn mà diw vanaa-solia-lasálàá ha!» Doɛk cɛn nin ni, mó diw nda. N'van belaŋɔmaa a vanaa ŋuɛɛnu o dii ɲinkon ni, domala ifalennda solia lasálàlan la va nda kpow lekɔɔ.

Ɛsdras 5:16

O kon, mí Sɛsbasar kon hun Yerusalɛm nanu, mó mingi Cɛi-Hala-o kila sɛnɛi. Kandɔɔ ɲinkon háá hau, Cɛi kon co tangulɔnndo tuŋ, kɛ tangul kalaa cuu vɔ le.›

Condii lisai 150:5

La lisa ndu a kɛ́ŋun cómulan, la lisa ndu a kɛ́ŋun diom bɛndu-bɛndon.

Aasee 2:15

«La dɔw ɲɛ co hunɔɔ tosan o hau kɔɔli-o taasi ɲɛkɛndɛi. Lɔ́ɔ́ pá mì la kandu powtan hɛɛnduuo le Cɛi-Mɛlɛka-o mingio tangullo,

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Sakari 4:7

‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Sakari 7:3

a le vanaa-solia-lasálàá va baalaa o Cɛi Mɛlɛka-Nɔ-Kpaayaa-Kpow-vo nin-nda a vanaa-tɛɛngaa-diom Hala-a ɲunaa ni aa: ‹Vɛ̀ɛ̀ mì va hiovɔɔ laci a caŋndo a sumndo biyɔɔ o paangii ŋuɛɛnundɔɛi nin mɛɛ ya co nin tosaa lende o vɔsilan taw nin yɛ?›

1Dɛnnda lemasalan 25:25

Vana tɔ́ a o ŋɔmaandɔ sionnden le bii-yo yɔŋnun Hanani ni. Ndu pila, poaa ndɔa a puapilɛa ndɔa, a va n'van tɔ́ a vanaa ŋiɔn.

2Dɛnnda lemasalan 5:12

Kolala keesela fɛtufɛtulan la va leviaa va vanaa condaa-a kpow lekɔɔ: Asaf, Heman, Yedutun, poaa ndaa a puapilɛa ndaa. Má sim o fonda-loamaa-lasálàá ikɛi a ba paalen le can-ndo a kɛ́ŋndon, bɔ̀linndan a á bondomalan o laba. Mí vanaa-solia-lasálàà kɛmɛ bidiiŋaa va nda ikɛi vɛlɛ-a va bululan hɔŋndo.

2Dɛnnda lemasalan 35:14

Kon cuvɔɔ mí leviia yaw niko visin va le nda pila a le vanaa-solia-lasálàá-on, kani vanaa-solia-lasálàá, poaa Aarɔn-nda lo sálàla loamaala lan a visin macuɛin mun sálàlan solio háá mí ɲumndan má toal. Lelan leviia nda yaw le nda pila a le vanaa-solia-lasálàá, poaa Aarɔn-nda ni.

Ɛsdras 2:41

Kunda vanaa ɲɛ-caa, poaa Asaf-a va kɛmɛ a bidiin a à ŋɔmaa (128).