Ɛsdras 3:1 - BII BILA

¹ Mɛɛ paangii ŋɔmmɛwndɔɛi tiiya, Israɛlla va icali o kobila ndalan nin, mí nda kpow a cuungian Yerusalɛm.

Ɛsdras 3:1 Referans Kwoze

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

Dɛnnda kiilaa 4:32

Nda kpow aa nɔ kɔl pilɔɔ a yiyan pilɔɔ. Vana-vana ve dimi le maa le ndu pila ɲɛm ndɔn co ni, kɛ le nda kpow ɲɛ vana-vana va ni.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Sofoni 3:9

«I dindinin cɔcɔn vanaa súúla celen, haliko ma piɛi ya, mà tosal-la vallo a diom pilɔɔ.

Nehemi 8:14

Má komal sɔɛi pum o tɔŋ Mɛlɛka ndóò yɔngu kon Moise le Israɛlla-o-o nin maa Israɛlla bɛnda ma va icali o kùùlan bɛngu o palɛi kafo lakùùe kpow nin, kafo tosan o paangii ŋɔmmɛwndɔɛi nin-ndo pɛɛn.

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Nehemi 8:1

O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Nehemi 7:72

Mí vanaa-solia-lasálàá, leviia, kpalilaa cumulaa ladioa, vanaa solia n'condua, vanaa va baalala pɔm-pɔmbɔlan tosaa o Cɛi-Hala-o nin-nda a Israɛlaa tɔ̀a pum a kɔ cal o kobila ndalan nin. O paangii ŋɔmmɛwndɔɛi nin, Israɛlla kpow a va icali o kobila ndalan nin.