Ɛsdras 10:8 - BII BILA

⁸ Mí simlacia a vanaa kɔlkalua va nda coo-a dimi maa vana-vana hin o palɛi ndii yáá bɛngu le, a poondiaa ɲɛm ndɔn kpow. O kon kɔɔli, a faŋa ndu pila caanda coo.

Ɛsdras 10:8 Referans Kwoze

Ɛsdras 7:26

Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Nsaŋ 9:34

Má mulul ndu aa: «Nɔm pila kpow, o hakio nin n velun ni, nɔm kon hun naa pɛɛkoo ni!» Má ɲindu ndu o bɛ́ɛ̀.

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Matie 18:17

Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.

Nehemi 13:3

Lɔ́ɔ́ Israɛlla tuei sɔɛi tɔŋ kon-ndo, má soli mialla kpow nda tɛɛn.

1Samiɛl 11:7

Mó bii nawva nda ŋiɔn, mó siaŋ nda. Mó viam kiilaa a visin bungan mun, má piɔw mun o lɛŋnde Israɛl-ten nin kpow. Mó handu diomndo lecoo aa: «Vana-vana del Saul nda Samiɛl kɔɔli le kɔlan o cɔwvo le, nuaa koni navaa ndɔa sɔlanin kilikilio ni.» O kon, mí siòòŋii bɛndui Mɛlɛka-e bii Israɛlla, má cuungian le kɔlan o cɔwvo, vanáà ca ko aa vanndo ndu pilɛ ni.

Masaa kialaa n'yamaa 21:5

O kon kɔɔli, mí Israɛlla ɲuunian nda pila tɛɛn aa: «Ɔ́ɔ̀ polale kɛɛ hunɔɔ naa tɛɛn o bɔɔŋian naa ho Mɛlɛka o hɔl Mispa nanu len?» Kani ndáà cii nin mɛi, má mɛnan, maa vana-vana óò kɛɛ pɛ le kɔlan Mispa, ndáà dii ndu.

Yosue 6:19

Volion, sianion, ɲɛm toosian a daɲan-ndon a n toosian a cilinndon-ndon kpow n siŋnunnin teengen le Mɛlɛka, mun luɛinin o bolofaa Mɛlɛka-o nin.»

Tɔŋ lasálàá 27:28

Ɲɛ-ɲɛ vanndo soli pɛ sálàá fasɛi le Mɛlɛka, ɲɛ kon bɛnda mò pisin te, o bɛnda vɛlɛ mò baŋan te, o va vanaciee, o va cɔlu, o va yondo ndɔ kɛ. Ɲɛ-ɲɛ nda soli pɛ sálà fasɛi le Mɛlɛka, ɲɛ diandaa-diandaa co kon le Mɛlɛka ni.

Ɛsdras 10:7

O kon má yonda Yerusalɛm a o tàndá Yuda-o nin, haliko mi vanaa va o biyɔɔ nin-nda cuungian Yerusalɛm.

Ɛsdras 10:9

Palɛi ndii yáá o kon kɔɔli, mí vanpiaandua fula o tàndá Yuda-o nin-nda a á fula o tàndá Bɛnyamɛn-ndo nin-nda cuungian Yerusalɛm. O paale bidiinndɔlen coo o paangii ŋɔmahiɔɔlundɔɛi nin, mí vannda kpow a kɔ sim o Cɛi-Hala-o sondoo. Má va ɲiiyaa le dɛnɛ kon a le piɔɔ va siaa-o.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.