Ɛsdras 10:6 - BII BILA

⁶ Mí Ɛsdras faŋan o Cɛi-Hala-o sondoo, mó kɔa o Yohanan po Eliasib-o lo cɛinin. Kɛ má kɛɛ le ɲɛ-ɲɛ dioo a le kolɔɔ, kani mɔnɛi va ndu taw le dɛnɛ vɔɔn bɛndu vanaa fula kan o biyɔɔ nin-nda tosa-o.

Ɛsdras 10:6 Referans Kwoze

Tɔŋ miingua 9:18

«O kon kɔɔli, mí del vɛlɛ Mɛlɛka o labɛngunin, mí tosa vɛlɛ palɛi belehiɔɔlu a malɔ belehiɔɔlu maa o tasendɔ, i ve ɲɛdiaa dio le, i ve mamɛn kolɔɔ le. Le haki bɛndu niaa tosa kon-ndo yáà tosa lende ni, kani mí la tosa dɛnɛ hɛnan Mɛlɛka loo, mí la tuulu ndu kɔl.

Nehemi 12:22

O paale Eliasib nda Yoyada len, o palɛi Yohanan a Yadua a va bolii vanaa-solia-lasálàá-a, mí diola leviaa va bolii lapangɛi-ya la sɛvan o sɛbɛ ladioo nin, mí diola vanaa-solia-lasálàá bɛɛ la va sɛvanndo lende háá o telen Darius Pɛrsenɔ va o masalen coo-o.

Nehemi 3:1

O kon mí Eliasib bolle vanaa-solia-lasálàá nda puapilɛa ndɔa vanaa-solia-lasálàá can, má tangul Dio-n'saa, má sɔaa ndu Hala o ba, má luei ndu koŋndan. Má sɔaa vɛlɛ kpakio Hala o ba kandɔɔ o cɛi coocoo Lakɛmɔɔ háá o cɛi coocoo Hananeɛl.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

SƐBƐ YƆB-O 23:12

I kɛɛ tɔŋnda fula ndu o sondo lan te, i mal yeemɛi nii le sɔɔn fula ndu o sondo-on biyɔɔ.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 13:5

Mó ke ndu cɛi bɛndoo pum, nɛɛ ndáà kɛsi ɲɛm-kéan fula o ɲɛm vaan nin-ndon, ansan, a ɲɛm-laandun Cɛi-Hala-o o tasendɔ-a. Lon koni ndáà kɛsi vɛlɛ ɲɛm vanaa-solia-lasálàá, o-tɔ́ndɔ n'mallo, o-tɔ́ndɔ mɔima sɛnɛiyo a o-tɔ́ndɔ macuɛiyo ni, ɲɛm mun va le leviia, vanaa solia n'condua a le kpalilaa cumulaa ladioa ni.

Nehemi 12:10

Yesua velu Yoyakim ni, mí Yoyakim vialu Eliasib, mí Eliasib vialu Yoyada.

Nehemi 3:20

O ndu kɔɔli, mí Baruk po Sabai-yo va kpakio bɛɛndiaa baa pilɔɔ a dialun fulan taw. Kandɔɔ o sɔngilen kɔlan háá o dio cɛi Eliasib-o, Eliasib bolle vanaa-solia-lasálàá pɛɛn.

Ɛsdras 10:1

Telen Ɛsdras va kon vula baŋaa o Cɛi-Hala-o hɔl-ndɔ, mó va Hala piɛiyo a hakilan sɔlɔnndo a caŋndo-o, mí Israɛlla cuungian sɛ́lɛ́ bɛndoo ndu ikɛi: vanpiaandua, vanlaandua a cuaambɔa. Mí nda kpow a va caŋndo fúkpàà-fùkpàà.

Ɛsdras 9:4

Mí lo icali lon lende háá telen nda soli sálà paale delaa-o. Mí vanaa va buulanndo le yamɛi Hala Israɛlla va kiolɔ̀ɔ̀ le yɔŋ vɔɔn vanaa fula kan o biyɔɔ nin-nda tosa kon-ndo-e-a sɔɔnguu ya ikɛi.»

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.

Ɛsdras 10:7

O kon má yonda Yerusalɛm a o tàndá Yuda-o nin, haliko mi vanaa va o biyɔɔ nin-nda cuungian Yerusalɛm.

Condii lisai 102:4

Kani palɛi nii co hiownɔnndo maa ikum, paala nilan la co ŋɔu mɛɛ yinnde bɛndulen le loam vana nuaa yɛ.