Ɛsdras 10:18 - BII BILA

¹⁸ O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Ɛsdras 10:18 Referans Kwoze

Sakari 3:1

«O kon kɔɔli, mó cɔm ya Yosue, bolle vanaa-solia-lasálàá, o va isisi mɛlɛkanɔ Hala-o laci. Vana lɔalaa n'vanndo, Setana va isisi ndu o ba kɛndɔɔ coo le ndu sɔɔn hɛɛnduuvo coo.

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Ɛsdras 5:2

O kon, mí Sorobabɛl po Sealtiɛl-lo nda Yosue po Yosadak-o a mingi vallo kandɔɔ, má muungu vɛlɛ Cɛi-Hala-o tangullo Yerusalɛm. Vanaa-tɛɛngaa-diom Hala-a va nda ikɛi, a va nda malaa.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

1Timote 3:11

Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

Esekiɛl 44:22

Vana-solia-lasálàá va pɛ lanɔɔ yilɔɔ, o bɛnda mò yil vanalanɔ pɔnɔ ndɔ vi-o o nɔ̀u nin te, o bɛnda vɛlɛ mo yil vanalanɔ kɛyan nda pɔnɔ ndɔ-o le. Kɛ o bɛnda mò cua cuaambɔ laandu hiw-vɔ vanapɔnɔ kɔɔli loo o cuavaa Israɛlla tɛɛn, o nɔla vɛlɛ mò cua vanalanɔ pɔnɔ ndɔ vi-o te vana-solia-lasálàá pɔnɔ ndɔ kon ndóò va ni.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Yeremi 23:11

Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 12:10

Yesua velu Yoyakim ni, mí Yoyakim vialu Eliasib, mí Eliasib vialu Yoyada.

Nehemi 8:7

Mí vana-vana lo isisi o fonda ndɔɔ, mí Yosue, Bani, Serebia, Yamin, Akub, Sabetai, Hodia, Maseya, Kelita, Asaria, Yosabad, Hanan, Pelaya a leviia a va vannda tɔŋndo tɛɛsiallo.

Nehemi 8:4

Ɛsdras vana sɛvaa latɔŋndo va isisi o bàndóó coo, o ndáà baŋ le dɛnɛ kon-ndo. Matitia, Sema, Anaya, Uri, Hilkiya a Maseya a va isisi ndu o ba kɛndɔɔ coo, mí Pedaya, Mikaɛl, Makia, Hakum, Hasbadana, Sakari a Mesulam nda va isisi ndu o ba mɛllo coo.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

Tɔŋ lasálàá 21:7

Vana-solia-lasálàá bɛnda mò cua vanalanɔ suundɛiyo, te kon te vanalanɔ vanapɔnɔ celen laasiaa nin-ndo o nɔ̀u nin te. Ò cua vɛlɛ vanalanɔ pɔnɔ ndɔ kɛɛ-o o nɔ̀u nin te. Kani vana-solia-lasálàá bɛnda mò va vana diandaa siŋnun teengen le vali Mɛlɛka-o-o.

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Ɛsdras 10:17

O vɔsio pilɔɔ nin, o paale taselen coo o paangii tasei nin, má cii sɔɛi vanaa cua kan laandaa mangalaa isɔɔa-a toosiaa.

Aasee 1:12

Mí Sorobabɛl po Sealtiɛl-lo, Yosue bolle vanaa-solia-lasálàá, po Yehosadak-o a vanaa hin fula o biyɔɔ nin-nda kpow a bii sɔɛi Mɛlɛka Hala ndaa dimi ken-nde, ì Hasee vana-tɛɛngaa-diom Hala-o tɛɛngul nda ken-nde. Nuaa Hasee tosa ɲɛ Mɛlɛka vem ndu tosaa-o ni, mí siòònde bii vannda kpow a Mɛlɛka.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Sakari 6:11

A tiiya pɛ lon, a bii nda volin humbon a sianin nda hin-ndon o ba, a cɔw mɔsil lemasaa a mun, a vow Yosue co bolle vanaa-solia-lasálàá-o mɔsil kon o lebol, Yosue po Yehosadak-o pɛɛn.

Ɛsdras 2:36

Vanaa-solia-lasálàá, poaa Yedaya-a, a fula o yungu Yosue-o nin-nda va kɛmɛ leŋɔmahiɔɔlu belaŋɔmmɛw a à yaa (973),

Ɛsdras 3:8

Vɔsi diinndɔɔ o muungu vanaa va o biyɔɔ nin-nda muungu Yerusalɛm o Cɛi-Hala-o nin-ndo kɔɔli, o paangii diinndɔɛi nin o vɔsi kon nin, mí Sorobabɛl po Sealtiɛl-lo nda Yosue po Yosadak-o kandu baalaa nda puapilɛa ndaa vanaa-solia-lasálàá, leviia a vanaa fula o biyɔɔ nin má muungu Yerusalɛm-nda kpow latulu. Leviia, áà nɔ vɔsilan bidiin a ɲɛ lecoo-a, nda va vanáà bɛnda le simndan baala Cɛi-Mɛlɛka-o laci-a ni.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.