Ɛsdras 10:14 - BII BILA

¹⁴ O co fisa mì simlacia naa lo nanu o diola vannda kpow. O kon, mì vanaa-vanaa cua laandaa mangalaa isɔɔa o naa Israɛlla tɛɛn a komal nda o lɔ́ɔ́ naa n yimnin nda-o coo. A hunnin latulu nda vanaa kɔlkalua a vanaa kialaa n'yamaa co o kobila ndalan nin-nda. Lende naa n co tosa ni háá mì kɔltuw bɛndu Hala-o ho pɔlul a naa le dɛnɔɔ ho.»

Ɛsdras 10:14 Referans Kwoze

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

2Dɛnnda lemasalan 29:10

Ya ya, i co yiyanndo le kpemaa yiiyo a Mɛlɛka Hala Israɛlla, haliko mi kɔl ndɔ tuwvo faŋan naa coo.

Kundalan 25:4

Mó dimul Moise aa: «Cua vanaa co bolii lapangɛi-ya kpow, ma landu nda o paalen ya o hɔl, haliko mi kɔl ni tuw bɛndoo ɲulul, mò kpakpala Israɛlla.»

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Yosue 7:26

Má cuungiaa powtan bémboo Akan coo, powta lan la co vɔ lon háá paalen nden. O kon mí Mɛlɛka ɲuulul kɔl, mó mangala kɔltuw ndɔɔ. Lelan nda ke fonda kon diolan ni aa bóllo Akɔr (kon co dimio ni aa «Ból dɛnɛ palaa»), diola lan o nɔ háá paalen nden ni.

Tɔŋ miingua 17:9

La kɔ komal leviaa-solia-lasálàá, a vana kialaa n'yama vanin yamɛi kiolɔɔ telen kon-ndo, la hivi sɔɛi ken nda o ba. O kon, nda cɔm niaa mɛɛ vana kialu yamɛi vaa lende yɛ.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

2Masaa 23:26

Kɛ a kon kpow, Mɛlɛka ɲulul kɔl a Yudaa le, kani dɛnnda Manase ndóò tosa lan kpow láà tɛɛmbuu bɔɔ ndu Mɛlɛka kɔllo.

2Dɛnnda lemasalan 28:11

Lelan, la tuei-yɔ o ya co niaa dimul-lo, la mal puapilɛa niaa niaa bii haa Yuda-a, mì la mingi nda o la nda lo. Kani Mɛlɛka tuulu kɔl taw a niaa.»

Ɛsdras 10:13

Kɛ nduyɛ n co sɛ́lɛ́, o sialten nin naa n co vɛlɛ ni, n tiwnin ba le lou isisi o bɛ́ɛ̀ nuaa le. Handɔɔ o kon coo, sɔɛi he co sɔɛi toosian o paale pilɛ, te kon te o palɛi ŋiin bɛngu le, kani naa vanaa kɔndu hakio o dɛnɔɔ ho nin-nda n co sɛ́lɛ́.

Ɛsdras 10:15

Yonatan, po Asaɛl-lo, nda Yasia, po Tikva-o daama a kɛɛ tuu kon ni. Mí Mesulam nda Sabtai leviinɔ sim nda kɔɔli.