Ɛsdras 10:10 - BII BILA

¹⁰ Mí Ɛsdras vana-solia-lasálàá can, mó dimul nda aa: «Niaa Israɛlla, la cua haki bɛndoo le yilɔɔ niaa yil vanlaandua mangalaa isɔɔa o nɔ̀lan-ndo. La cɔɔlu vɛlɛ Israɛlla malɔɔ o pɔwla bɛndu nin dɛ!

Ɛsdras 10:10 Referans Kwoze

Matie 23:32

La siow niko dɛnɛ fuɲaa niaa mamaa kandu-o!

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

2Dɛnnda lemasalan 28:13

má dimul nda aa: «La hun a vanaa niaa bii haa-a nanu le, yɔŋii naa n luɛi o dɛnɛ vɔɔn bɛndu-bɛndoo nin a Mɛlɛka. Vɛ̀ɛ̀ la yeema mì la cɔɔlu vɛlɛ hakilan o tɛɛmbuula naalan coo? La co naa coo lan la co nin la bɔɔ, nduyɛ kɔltuw Mɛlɛka-o co Israɛlla coo.»

Kundalan 32:14

Sisa vɛlɛ, niaa vanaa kɔlvesɛiya ha, la yeema mì la tosa maa fuɲaa niaa kan, la yeema vɛlɛ mì la tuisi kɔltuw Mɛlɛka-o Israɛlla coo.

Ɛsdras 10:9

Palɛi ndii yáá o kon kɔɔli, mí vanpiaandua fula o tàndá Yuda-o nin-nda a á fula o tàndá Bɛnyamɛn-ndo nin-nda cuungian Yerusalɛm. O paale bidiinndɔlen coo o paangii ŋɔmahiɔɔlundɔɛi nin, mí vannda kpow a kɔ sim o Cɛi-Hala-o sondoo. Má va ɲiiyaa le dɛnɛ kon a le piɔɔ va siaa-o.

Ɛsdras 10:11

Lelan, la sɔlɔlan hakila niaalan Mɛlɛka Hala fuɲaa niaa mamaa o hɔl, mì la tosa mɛɛ hɛnan ndɔɔ co yɛ, la sɛyan a vanaa co o lɛŋnden nden nin-nda, mì la mal vɛlɛ laandaa mangalaa isɔaa co niaa o ba-a.»

Ɛsdras 9:14

O dɛnndan ndan kpow kɔɔli, vɛ̀ɛ̀ naa n kɛɛ yɛnin vɛlɛ tɔŋnda nɔmndan biyɔɔ, mì n muungu nɔlan yiiyo naa vanaa-mangalaa-isɔɔa nɔ haa dɛnnda nɔɔlɛilan-nda? Vɛ̀ɛ̀ a tembunin kɔl a naa mà cii naa kpede hali vanndo pilɛ bɛɛ lonin te le?