Ɛsdras 1:5 - BII BILA

⁵ O kon mí vanaa va bolii lapangɛi o polale Yuda len a o polale Bɛnyamɛn-nden coo-a, vanaa-solia-lasálàá, leviia a vanaa Hala tosa ɲɛ pum o lakɔl-la bɛɛndian le kɔlan Cɛi-Hala co Yerusalɛm-ndo.

Ɛsdras 1:5 Referans Kwoze

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

Nehemi 2:12

O kon kɔɔli, mí can icɔllo a vanpiaandua pum kɔɔli, i dimul vana-vana ɲɛ Hala ndóò soo ya o kɔl le tosaa Yerusalɛm-ndo le. Cɔlu bana-bana celen ve ya o ba le, fɔ o ya pila yáà hel coo-o.

2Dɛnnda lemasalan 36:22

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Ɛsdras 1:4

Vanaa ndɔa tɔ̀a lo yoomu-a, nɛɛ-nɛɛ nda co pɛ, vanaa nda co icali tɛɛn-nda bɛnda mà mala nda a volion, a sianion, a ɲɛm celen, a cɔlua a á ɲɛm-kéan vana yɔngu a yeemɛi vana pilɛi-yon, le Cɛi-Hala-o tangullo, Hala co Yerusalɛm-ndo.›»

Aasee 1:14

Mí Mɛlɛka hiiluu Sorobabɛl po Sealtiɛl-lo, o va kon masa ibungaa Yuda-o a Yosue po Yehosadak va bolle vanaa-solia-lasálàá kɔltan nin, mó hiiluu vɛlɛ vanaa tɔ̀a hin fula o biyɔɔ nin-nda kpow kɔltan nin le baala kon kandɔɔ. Má kandu baalaa le Cɛi-Mɛlɛka-Nɔ-Kpaayaa-Kpow-vo, o co Hala ndaa-o mingio tangullo.