Ɛsdras 1:3 - BII BILA

³ Lelan, vanaa co vanaa ndɔa o niaa tɛɛn-nda, a hèèlú Yerusalɛm, o tàndá Yuda-o nin le Cɛi-Mɛlɛka-o, o co Hala Israɛlla-o mingio tangullo lon. Hala nda co biiloo Yerusalɛm-ndo pɛɛn. Màá Mɛlɛka Hala ndaa va nda ikɛi!

Ɛsdras 1:3 Referans Kwoze

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Esai 45:5

Ya co Mɛlɛka ni, o celen co le, o ya kɔɔli, Hala celen co le, nɔm óò sina vɔ ya le mí balu nɔm sɔ́,

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Tɔŋ miingua 32:31

Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

1Masaa 18:39

Telen vannda kpow ce kon-ndo, má deli a kuumbuannda lɛŋ, má dimi aa: «Mɛlɛka co Hala kpeekpeiyo ni! Mɛlɛka co Hala kpeekpeiyo ni!»

Ɛsdras 1:4

Vanaa ndɔa tɔ̀a lo yoomu-a, nɛɛ-nɛɛ nda co pɛ, vanaa nda co icali tɛɛn-nda bɛnda mà mala nda a volion, a sianion, a ɲɛm celen, a cɔlua a á ɲɛm-kéan vana yɔngu a yeemɛi vana pilɛi-yon, le Cɛi-Hala-o tangullo, Hala co Yerusalɛm-ndo.›»

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

Esai 37:16

«Mɛlɛka-Nɔ-Kpaayaa-Kpow-vo, Hala Israɛlla, nɔm co icali o mɛlɛkaa kanda ɲɛm Hala-on-nda coo-o, nɔm pilɛ kpé co Hala le masɛi co o lɛŋnden coo-e kpow ni! Nɔm cɔw halataalaa a lɛŋnden ni.

Ɛsdras 4:3

Kɛ mí Sorobabɛl, Yosue a vanaa va bolii lapangɛi Israɛlla-a mulul nda aa: «O co naa niaa le n bɛnda le Cɛiyo tangullo le Hala naa le! Kɛ naa pila kínɛí n bɛnda le Cɛiyo tangullo le Mɛlɛka, o co Hala Israɛlla-o ni, maa mɛɛ masaa Siris, o co masa Pɛrsea-o vem naa le tosaa yɛ.»

Ɛsdras 5:13

Nduyɛ, o vɔsi tasoo nin o masale Siris masaa Babilɔn-nden bɛngu, mí ndu masaa Siris viam vannda le Cɛi-Hala-o ho mingio tangullo.

Ɛsdras 6:7

La mal vanaa kan mà hiow laci a Cɛi-Hala-o mingio tangullo. Masa ibunga co Yuifia coo-o nda kaasoŋaa kɔlkalua Yuifia bɛnda mà mingi Cɛi-Hala kon tangul o fonda ndɔ pandoo coo.

Condii lisai 132:13

Kani Siɔn Mɛlɛka hɛli ni, lon o yeema le caltan kilaa ni.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.