Ɛsdras 1:2 - BII BILA

² «Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Ɛsdras 1:2 Referans Kwoze

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

Ɛsdras 1:5

O kon mí vanaa va bolii lapangɛi o polale Yuda len a o polale Bɛnyamɛn-nden coo-a, vanaa-solia-lasálàá, leviia a vanaa Hala tosa ɲɛ pum o lakɔl-la bɛɛndian le kɔlan Cɛi-Hala co Yerusalɛm-ndo.

Ɛsdras 3:7

Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.

Ɛsdras 4:3

Kɛ mí Sorobabɛl, Yosue a vanaa va bolii lapangɛi Israɛlla-a mulul nda aa: «O co naa niaa le n bɛnda le Cɛiyo tangullo le Hala naa le! Kɛ naa pila kínɛí n bɛnda le Cɛiyo tangullo le Mɛlɛka, o co Hala Israɛlla-o ni, maa mɛɛ masaa Siris, o co masa Pɛrsea-o vem naa le tosaa yɛ.»

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

Esai 41:2

Nɛ̀ɛ́-nɛ̀ soli yɛ vana cindaa co kɔlan kɔɔli a ba paalen le can-ndo-o? Nɛ̀ɛ́-nɛ̀ mal lɛ vanaa-mangalaa-isɔɔa ndu o ba mó kɛsi ndu masaa o labɛngunin? Mɔɛi ndɔɛi cɔwve co vannda cuiyo ndu laci maa cundu, kpaasiaa ndɔɔ co nda saŋɔɔ mɛɛ hoeiye saŋ foeende nuaa yɛ.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Esai 45:1

Mɛlɛka soo o vana o pɔla-o lo, Siris pɛɛn, o ndu Mɛlɛka bii a ba kɛndɔɔ le vanaa-mangalaa-isɔɔa yɔlɔɔ ndu laci, le yáwve timbio masaa o caŋ, le ndu diola luɛyaalan kumbillo haliko la kindan ndɛ loo. O dimul ndu aa:

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

Yonas 1:9

Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

Ɛsdras 5:15

Mó dimul ndu le ɲɛm mun cuaa, mò kɔ kɛsi mun o Cɛi-Hala-o nin Yerusalɛm. Mó dimul ndu kpendekele maa Cɛi-Hala-o bɛnda mò muungu tangulɔn o fonda ndɔ pandoo coo.

Ɛsdras 6:3

«O vɔsi tasoo nin o masale Siris len bɛngu, mí ndu masaa Siris handu tɔŋndo ho a Cɛi-Hala-o Yerusalɛm o kɔɔ aa: ‹Cɛi-Hala-o bɛnda mò muungu tangulɔn, haliko mo muungu vɛlɛ Cɛi vana soli sálàlan nin-ndo. O bɛnda mò muungu kilan o foofo ndɔ paandoo coo, o vanin simndan dunndo belaŋɔmpum, buo dunndo belaŋɔmpum.

Ɛsdras 6:10

La yɔngu nda mun haliko ma solul Hala co o halataala-o sálàla cuɛima cun kɛndɛlan, mà piɛi Hala le yoomu masaa a le yoomu poaa ndɔa.

Ɛsdras 7:12

«Ya Artasɛrsɛs, masa hiow masaa-o sɛval nɔm Ɛsdras vana-solia-lasálàá a vana sɛvaa sina tɔŋ Hala co o halataala-o-o sɛbɔɔ ho ni.

Nehemi 1:4

Lɔ́ɔ́ ya tuei sɔɔn mun-ndo, mí cal, mí koŋul, mí mɔnɛi bii ya le palɛi taw. Mí bii sumndo, mí piɛi Hala co o halataala-o.

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Condii lisai 85:2

Éé Mɛlɛka! A tosal lɛŋnde nɔmnden dɛnɛ kɛndɔɔ, má mingi poaa Yakɔb-a va o biyɔɔ nin-nda nanu.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Daniɛl 1:21

Mí Daniɛl lo baalaa tosaa o masaa lo cɛinin háá vɔsi tase Siris sul masaa-o.