Ɛsdras 1:1 - BII BILA

¹ O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Ɛsdras 1:1 Referans Kwoze

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

Condii lisai 106:46

mí vanaa nda va o ba o biyɔɔ nin-nda kpow tuinun nda iɲíí.

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

Nsaŋ 1:23

Mó muli aa: «Ya co diom co yondaa o lɛŋnde veselɛilen nin-ndo ni aa: ‹La siɛndi nɛi Mɛlɛka-o,› » maa mɛɛ Esai vana-tɛɛngaa-diom Hala-o dimi yɛ.

Ɛsdras 1:5

O kon mí vanaa va bolii lapangɛi o polale Yuda len a o polale Bɛnyamɛn-nden coo-a, vanaa-solia-lasálàá, leviia a vanaa Hala tosa ɲɛ pum o lakɔl-la bɛɛndian le kɔlan Cɛi-Hala co Yerusalɛm-ndo.

Ɛsdras 4:3

Kɛ mí Sorobabɛl, Yosue a vanaa va bolii lapangɛi Israɛlla-a mulul nda aa: «O co naa niaa le n bɛnda le Cɛiyo tangullo le Hala naa le! Kɛ naa pila kínɛí n bɛnda le Cɛiyo tangullo le Mɛlɛka, o co Hala Israɛlla-o ni, maa mɛɛ masaa Siris, o co masa Pɛrsea-o vem naa le tosaa yɛ.»

Ɛsdras 6:3

«O vɔsi tasoo nin o masale Siris len bɛngu, mí ndu masaa Siris handu tɔŋndo ho a Cɛi-Hala-o Yerusalɛm o kɔɔ aa: ‹Cɛi-Hala-o bɛnda mò muungu tangulɔn, haliko mo muungu vɛlɛ Cɛi vana soli sálàlan nin-ndo. O bɛnda mò muungu kilan o foofo ndɔ paandoo coo, o vanin simndan dunndo belaŋɔmpum, buo dunndo belaŋɔmpum.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Yeremi 1:1

Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Esekiɛl 38:5

Vanaa cɔwva Pɛrse, haa Etiopii a haa Put handunnin nda coo. Nda kpow a nɔnin kɔ̀ɔ̀la cɔwlan o laba a mɔsilta kengelɛila cɔwlan o lebol.

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Esai 45:1

Mɛlɛka soo o vana o pɔla-o lo, Siris pɛɛn, o ndu Mɛlɛka bii a ba kɛndɔɔ le vanaa-mangalaa-isɔɔa yɔlɔɔ ndu laci, le yáwve timbio masaa o caŋ, le ndu diola luɛyaalan kumbillo haliko la kindan ndɛ loo. O dimul ndu aa:

Daniɛl 1:21

Mí Daniɛl lo baalaa tosaa o masaa lo cɛinin háá vɔsi tase Siris sul masaa-o.