Ɛstɛr 9:26 - BII BILA

²⁶ Le hee nda ke palɛi ken diolan ni aa «Purim» kon co dimio o pɛrsiei nin ni aa «Siondei malɔɔ.» Le dɛnnda Mardosee ndóò sɛva o sɛbɛ kon nin-ndan a sɔɔn nda pila ce má sina vakpa-on a le dɛnnda tosalan nda lan,

Ɛstɛr 9:26 Referans Kwoze

Ɛstɛr 9:20

Mí Mardosee sɛwviaa sɔɔn mún, mó piɔw sɛbɛla lan Yuifia va o tàndàla va o masale Sɛrsɛs len nin-ndan-nda kpow, piɔw lan vanaa va kpɛɛlun-nda a vanaa va levil-la,

Esekiɛl 39:11

Paale len, lɔ́ɔ́ sɔɔn mun peelunnin-ndo, i yɔngunin Kɔk fondaa le ndu kumbɔɔ lon, o lɛŋnde Israɛl-ten nin. Fonda kon vanin ból vanaa kelaa ni, o mɛmma hɛlii bɛnduan ikɛi, a ba paalen le can-ndo. Sɛila lan la kindalnin vanaa hiawnannda nɛiyo ni. Lon nda kumbunin Kɔk a vanaa ndɔa sɛ́lɛ́a kpede ni. O kon, a kenin ból kon diolan aa Ból sɛ́lɛ́ bɛndu Kɔk-o.

Ɛstɛr 9:32

Mí sɔɔn Ɛstɛr soo mun a siondii malɛi o kɔɔ-on siŋnun namoo. Lelan n co n'sɛvaa o sɛbɔɔ nin ni.

Ɛstɛr 3:7

O vɔsi tɔ́ a o diinndɔɔ nin o masale Sɛrsɛs len bɛngu, o paangii tasei nin, paangii Nisan pɛɛn, má vuu purim (kon co dimio ni aa «Siondei malɔɔ») Haman o hɔl le paalen a paangii ndíì bɛnda le sɔɔn ndóò tuu mún le tosaa-on-nde sinaa. Mí sionden le bii pangii tɔ́ a idiinndɔɛi, paangii Adar pɛɛn.