Ɛstɛr 9:25 - BII BILA

²⁵ Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Ɛstɛr 9:25 Referans Kwoze

Condii lisai 7:16

O tow pɛ soon yingilaa, o del o soon ndu pila tow kon-ndo nin.

Matie 21:44

Vana-vana del pɛ o pow kon coo, o yomiyomi. Vana-vana pow kon del pɛ coo, o cui ndu.»

Condii lisai 141:10

Màá vanaa yɔŋ vɔɔŋaa kan a haw o yaŋɔɔla nda pila hɛɛnduu lan ndan, mì ya koni i kɔ hiownun yɛngɛsɛɛ!

Condii lisai 140:9

Cɛ̀l mì vanaa kɔlvesɛiya tosa hɛnan ndaa a ya le, cɛ̀l mì tuula ndalan la bɛnda le, Mɛlɛka, yɔŋii nda soo yongaa.»

Ɛstɛr 7:5

Mí masaa Sɛrsɛs ɲuna Ɛstɛr laa ndɔ aa: «Nɛ̀ɛ́-nɛ̀ kon? Kuɛɛ nɛ vana tuu tuu kon-ndo co yɛ?»

Ɛstɛr 3:6

Má dimul vɛlɛ Haman maa Yuifinɔɔ Mardosee va ni. Le hee, Haman hini lɛ kɔl le Mardosee diyɔɔ ndu pilɛ kpé le. Mó tuunun o kɔl le Yuifia va o masale Sɛrsɛs len nin-nda kpow ciiyo.

Ɛstɛr 7:4

Kani vanaa nia a ya pila kpow, a cii naa pisi le naa diyɔɔ, le naa tɛɛmbuuo a le naa ciiyo selemenden. Te ndóò va pɛ maa le siŋnɔnndo cɛa piaandua a cɛa laandua ndáà pisi naa ni, i ve ɲɛ-ɲɛ dimi le, kani dɛnɛ palaa kon ndu ndóò tosanin mì vana óò kpeeŋiaa nɔm masaa le.»

Condii lisai 140:8

Éé Mɛlɛka! Nɔm Maalii nuu, Nɔm kpaaya co ya ciindiaa-o, a cɛw bolle nilen o cɔwvo bɛngu.

Esai 22:25

Mɛlɛka-Nɔ-Kpaayaa-Kpow-vo dimi aa: «Paale len, ciŋɔle tɔlnun o fonda kàlà-kálàá len le sungunnin, mì le yom, mì le del. Volɔɔla lusulaala va ndu coo lan la tambunnin, kani Mɛlɛka soo ni.»

1Samiɛl 25:39

David tueyɔɔ maa Nabal vi, mó dimi aa: «I mel Mɛlɛka balika le tùú o lɔɔnun ibuŋ le ya, mó mingi màá nuu le bɛ̀ɛ̀la Nabal tɛɛmbuu ya lan-ndo. O cɛl mì tosa dɛnɛ vɔɔn te, mó tuisi Nabal pila kɔlvesɛi ndɔ ndu pilaa coo.» Mí David viam kiilaa o Abikail lo le ndu kaolaa mò siŋnun laa ndɔ.

1Masaa 8:32

yaŋnun ndu diom nɛɛ n co o halataala-a, mà cɛn, mà kelu yamɛi vanaa nɔmaa baalaa tɛɛn, mà yaala vana nɔ dí loo, mò sɔla sanga o bɛnda le sɔlaa-o, mà ke vana nɔ dí-o dí ndɔɔ.

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Condii lisai 7:17

O kon, dɛnɛ palaa o toosiaa-o del ndu pila o lebol, kɔlvesɛi ndɔɔ hulun ndu pila o kpokpo.

Condii lisai 94:23

O mingulnin nda mɛɛ tɛɛmbuula ndalan la co yɛ, mò tɛɛmbuu nda le hakila ndalan. Mɛlɛka Hala naa tɛɛmbuunin nda.

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

Talelan 26:27

Vana tow pɛ soondo, ndu pila del lenin. Vana pimbul pɛ powvo, pow kalaa kei vana pimbul ndu-o coo.

Abdia 1:15

Kani paale Mɛlɛka kialunin yamɛi vanaa-mangalaa-isɔɔa kpow len le co nin le tiiyaa. A tosalnin niaa mɛɛ niaa tosal caanda yɛ. Yɔŋ vɔɔn niaa tosa-o mingulunnin niaa.»