Ɛstɛr 9:22 - BII BILA

²² Le tùú Yuifia sɔla hɔ́ɔ́yɛi yaamɔaa ndaa o ba o palɛi ken nin, mí kɔl tambɛi ndaa siŋnun ɲaaloo, mí dɛnɛ palaa ndaa siŋnun kafoo o paangii ken nin-ndo, mó dimul nda maa a va kafoo tosaa o palɛi ken coo, mà va ɲɛdiaa kafoo yawvo, mà va ɲɔɔn kennanndo, mà va vanaa bala fondoa malaa.

Ɛstɛr 9:22 Referans Kwoze

Condii lisai 30:11

Lelan, tuei ya diom, Mɛlɛka, ma tuinun ya iɲíí. A yandi Mɛlɛka, mala ya.

Kalatea 2:10

I nda dimul naa kínɛí-ye co ni maa naa n pɔɛɛnun vanaa bala fondoa le, nduyɛ i pɔɛɛnun lɔ́ɔ́-lɔ́ɔ̀ le ken tosaa le.

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,

Ɛstɛr 9:19

Lelan Yuifia va a sɛŋiannda yondolan nin o sɔndɔkɔltan-nda tosà kafoo o paale tɔ́ a lehiɔɔlundɔlen coo o paangii Adar nin ni, mà dɔwnun ɲaale, mà yaw ɲɛdiaa, mà kennan vɛlɛ ɲɔɔn paale len.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Condii lisai 103:2

A toɲa, i yeema mì mel Mɛlɛka balika a kɔl nuu kpow. I pɔɛɛnunnin dɛnnda kɛndɛla ndɔlan te, o pilɛ bɛɛ.

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

1Samiɛl 25:8

O ɲuna pɛ nda, nda pila co ndu dimul. Lelan aa o pɔɛɛnun naa le paale kafo len nden te. Ɲɛ-ɲɛ o nɔla pɛ sɔla, o ke niaa le niaa pila a le ya David po ndɔ.»

Ɛstɛr 9:21

haliko mi ndáà va kafo kon tosaa vɔsi oo vɔsi, o paangii Adar nin, o paale tɔ́ a lehiɔɔlundɔlen a o paale tɔ́ a leŋuɛɛnundɔlen coo.

Ɛstɛr 9:23

Mí Yuifia cɛl má siinguu kafo nda kandu kon tosaa-o a sɔɔn Mardosee sɛval nda mún-ndon naamoo. Sɔɔn mún yɔŋnun mun ni:

Tɔŋ miingua 15:7

Te kuɛi kɔ bii pɛ pilaciee niaa o kobi niaa vanin icali nin-ndo nin o lɛŋnde Mɛlɛka Hala niaa yɔngunin niaa len nin, la yíílù ndu hɔlla mì la kɛɛ le ndu malaa le.

Tɔŋ miingua 16:14

La vanin o kɔlkɛndɔɔ nin le kafo kon tosaa niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin o kobila niaalan nin-nda, mialaa vanin niaa o bɛngu coo-a, vííya a vanlaandua piaandaa ndaa vi ma va icali niaa tɛɛn-nda.

Tɔŋ miingua 16:15

O palɛi ndii ŋɔmmɛw bɛngu, la bɛnda mì la tosa kafoo le Mɛlɛka Hala niaa biiloo o fonda ndu pila hɛlinin-ndo. Kani o dɔawnin niaa duaa o valta niaalan nin kpow a o ɲɛ-ɲɛ niaa vanin tosaa nin, haliko mi la va a kɔlkɛndɔɔ taw.

Condii lisai 30:12

A mingi cɛɛŋɔnnda ya va lan condon a kponyoo, a soli ya volɔɔla biisilan lekɔɔ, má vow ya volɔɔla kafolan.

Condii lisai 37:15

Kɛ mɔɔn ndan cɔwvon tɛndanin nda pila kɔltan, kpaasiaala ndalan la yominin.

Condii lisai 149:7

le vanaa-mangalaa-isɔɔa màá mingullo a le vannda saangiaa!

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!