Ken tosan o paale tɔ́ a leyàándɔlen coo o paangii Adar nin. O paale tɔ́ a lehiɔɔlundɔlen coo, má pɛngi, má siinguu paale len paale kafolen a paale ɲaalelen.
Kɛ mí Yuifia va Suse-a nda cuungian o paale tɔ́ a leyàándɔlen coo a o paale tɔ́ a lehiɔɔlundɔlen coo. O paale tɔ́ a leŋuɛɛnudɔlen coo, má pɛngi, má siinguu paale len paale kafolen a paale ɲaalelen.
Mí Mardosee sɛwviaa sɔɔn mún, mó piɔw sɛbɛla lan Yuifia va o tàndàla va o masale Sɛrsɛs len nin-ndan-nda kpow, piɔw lan vanaa va kpɛɛlun-nda a vanaa va levil-la,
Le tùú Yuifia sɔla hɔ́ɔ́yɛi yaamɔaa ndaa o ba o palɛi ken nin, mí kɔl tambɛi ndaa siŋnun ɲaaloo, mí dɛnɛ palaa ndaa siŋnun kafoo o paangii ken nin-ndo, mó dimul nda maa a va kafoo tosaa o palɛi ken coo, mà va ɲɛdiaa kafoo yawvo, mà va ɲɔɔn kennanndo, mà va vanaa bala fondoa malaa.
Yuifia siinguu palɛi ŋiŋii ken palɛi naamui vana nɔla faŋa le-i ni le nda pila, le cuavaa ndaa imamaa a le vana-vana handun nda coo. Vɔsi oo vɔsi, dɛnnda lan láà bɛnda le tosanndo o telen kelun-ndo mɛɛ o va o sɛvaa yɛ.
O vɔsi tɔ́ a o diinndɔɔ nin o masale Sɛrsɛs len bɛngu, o paangii tasei nin, paangii Nisan pɛɛn, má vuu purim (kon co dimio ni aa «Siondei malɔɔ») Haman o hɔl le paalen a paangii ndíì bɛnda le sɔɔn ndóò tuu mún le tosaa-on-nde sinaa. Mí sionden le bii pangii tɔ́ a idiinndɔɛi, paangii Adar pɛɛn.